ازەربايجان فرانسيا ەلشىلىگىنىڭ ەكى قىزمەتكەرىن ەلدەن قۋدى
باكۋدەگى فرانسيا ەلشىلىگىنىڭ ەكى قىزمەتكەرى ديپلوماتيالىق دارەجەسىنە ساي كەلمەيتىن قىزمەتى ءۇشىن نون-گراتا تۇلعا دەپ تانىلدى، ولار 48 ساعات ىشىندە ەلدەن كەتۋ كەرەك. Kazinform بۇل تۋرالى رەسەيلىك تاسس اگەنتتىگىنە سىلتەمە جاساپ حابارلايدى.
- 26-جەلتوقساندا ازەربايجانداعى فرانسيا ەلشىسى انن بۋايون سىرتقى ىستەر مينيسترلىگىنە شاقىرىلدى. فرانسۋز ەلشىسىنە ەلشىلىكتىڭ ەكى قىزمەتكەرىن ازەربايجان ۇكىمەتى ديپلوماتيالىق دارەجەسىنە ساي كەلمەيتىنى جانە 1961 -جىلعى «ديپلوماتيالىق بايلانىس تۋرالى» ۆەنا كونۆەنتسياسىنا قايشى كەلەتىن ارەكەتى ءۇشىن نون گراتا تۇلعا دەپ تانىپ، ازەربايجان اۋماعىنان 48 ساعات ىشىندە كەتۋ تالاپ ەتىلگەنىن جەتكىزدى، - دەلىنگەن ازەربايجان س ءى م حابارلاماسىندا.
وندا فرانسۋز ديپلوماتى وكىلدىك جەتەكشىسىنە سايكەس نوتا تاپسىرىلدى.
23-جەلتوقساندا ازەربايجاندىق ءبىرقاتار ب ا ق ازەربايجاندا فرانسيانىڭ اگەنتۋرا جەلىسى اشكەرە بولعانىن جازعان بولاتىن.
اۆتور
بالنۇر قوجاگەلدى
