ازەربايجان باكۋ-قازان باعىتىنداعى رەيسىن توقتاتتى

استانا. قازاقپارات - Azerbaijan Airlines (AZAL) سەگىزىنشى قاڭتارعا جوسپارلانعان باكۋ- قازان- باكۋ رەيسىن توقتاتتى، دەپ جازادى Trend.

- بۇل شەشىم قازان ۇستىنەن اۋە كەڭىستىگىن جابۋعا بايلانىستى قابىلداندى. AZAL ۇشۋ قاۋىپسىزدىگىنە باسىمدىق بەرەدى جانە حالىقارالىق ستاندارتتاردى قاتاڭ ساقتايدى، - دەپ حابارلادى AZAL.

ەستەرىڭىزگە سالا كەتەيىك، 25 -جەلتوقساندا اقتاۋ ماڭىندا ۇشاق اپاتى بولىپ، باكۋ-گروزنىي رەيسىن ورىنداعان AZAL جولاۋشىلار ۇشاعى اپاتقا ۇشىراعان بولاتىن. بورتتا 67 ادام، ونىڭ ىشىندە بەس ەكيپاج مۇشەسى بولعان. اپات سالدارىنان 38 جولاۋشى قازا تاۋىپ، 29 ادام امان قالدى.

رەسەي پرەزيدەنتى ۆلاديمير پۋتين رەسەي اۋە كەڭىستىگىندە بولعان قايعىلى وقيعاعا بايلانىستى ازەربايجان پرەزيدەنتى يلحام اليەۆتەن كەشىرىم سۇرادى.

28-جەلتوقساندا ءبىرقاتار اۋە كومپانيالارى رەسەي باعىتىنداعى رەيستەرىن توقتاتتى: Kazakh Qazaq Air، يزرايلدىڭ El Al جانە Azerbaijan Airlines جانە Turkmen Airlines.

برازيليا اسكەري- اۋە كۇشتەرىنىڭ ۇشاق اپاتىن زەرتتەۋ جانە حابارلاۋ ورتالىعى ازەربايجان اۋە جولدارى (AZAL) ۇشاعىنىڭ ۇشۋ جازبالارىن (قارا جاشىكتەر) تەكسەرۋدى اياقتادى.

جاقىن كۇندەرى استانادا AZAL ۇشاعىنىڭ قارا جاشىگىندەگى اقپاراتتاردى زەرتتەۋ باستالادى.

ەركەجان سماعۇلوۆا

اۆتور