گازادا اۋرۋحاناعا سوققىدان قازا تاپقاندار 800 گە جەتتى: شابۋىل تۋرالى نە بەلگىلى

газа аурухана
Фото: Фото: Mohammed Salem/Reuters

اراب باسىلىمدارى كەشە گازا سەكتورىنداعى گوسپيتالگە يزرايلدىڭ اۋە اسكەري كۇشتەرىنىڭ زىمىراندارى تۇسكەنىن حابارلادى. كەيىنگى دەرەكتەر بويىنشا، قازا تاپقاندار مەن زارداپ شەككەندەر سانى 800 ادامنان استى. Кazinformبۇل تۋرالى ت ا س س- قا سىلتەمە جاساپ حابارلايدى.

يزرايلدىڭ اۋە كۇشتەرى گازا قالاسىنىڭ ورتالىق اۋداندارىنا ءبىرقاتار سوققى جاسادى. Al Hadath تەلەارناسىنىڭ مالىمەتىنشە، راكەتالار «ال- مااماداني» گوسپيتالىنە تۇسكەن.

مەديتسينالىق دەرەككوزدەر اقپاراتىنشا، قازا تاپقاندار سانى 300 دەن استى. Al Arabiya تەلەارناسى مەرت بولعاندار مەن زارداپ شەككەندەر 800 ادامنان ارتقانىن ءمالىم ەتتى.

Al Hadath تەلەارناسىنىڭ رەپورتاجىندا كوپتەگەن ناۋقاس دالادا كەزەكتە تۇرعانى ايتىلعان. زىمىراننىڭ جارىلۋى كورشى عيماراتتارعا دا زالال كەلتىرىپ، تۇرعىندار قازا تاپقان.

پالەستينا باسشىلىعى وقيعاعا بايلانىستى شۇعىل جيىن وتكىزدى.

حاماس اۋرۋحاناعا جاسالعان سوققىنى گەنوتسيد دەپ اتادى. قوزعالىس الەمدىك قاۋىمداستىقتى، اراب جانە يسلام ەلدەرىن «جاۋاپكەرشىلىك الىپ، يزرايل بيلىگىنىڭ اگرەسسياسىن توقتاتۋ ءۇشىن تەز ارادا بۇل ىسكە ارالاسۋىن» تالاپ ەتتى.

ال يزرايل قورعانىس اسكەرى گازا اۋرۋحانالارىنىڭ بىرىندەگى جارىلىسقا پالەستينالىق انكلاۆتان ءساتسىز ۇشىرىلعان زىمىراندار سەبەپ بولعانىن جانە وعان «يسلام جيھادى» جاۋاپتى ەكەنىن ايتىپ وتىر.

پالەستينا پرەزيدەنتى ماحمۋد ابباس ۇشكۇندىك قارالى كۇن جاريالادى. Al Mayadeen تەلەارناسىنىڭ دەرەگىنشە، ول 19 - قازانعا ا ق ش باسشىسى دجو بايدەنمەن جوسپارلانعان كەزدەسۋىن كۇتپەستەن امماننان ۇشىپ كەتىپ، راماللاعا ورالعان.

يزرايل پرەمەر- ءمينيسترى بينيامين نەتانياحۋ گازا سەكتورىنداعى جارىلىسقا يزرايل اسكەرى كىنالى دەگەن پىكىردى جوققا شىعارىپ، بۇل - لاڭكەستەردىڭ ءىسى دەپ مالىمدەدى.

ءوز كەزەگىندە «يسلام جيھادى» سوققىعا وزدەرىنىڭ قاتىسى جوق ەكەنىن ايتتى.

كوپتەگەن حالىقارالىق ۇيىمدار مەن ەلدەردىڭ ۇكىمەت باسشىلارى يزرايلدەن سوعىس ەرەجەلەرىن ساقتاۋدى تالاپ ەتىپ، گازا سەكتورىنداعى زۇلىمدىقتى توقتاتۋعا شاقىردى. ءبىرى مۇنى اسكەري قىلمىس دەسە، ءبىرى الدىن الا جوسپارلانعان ارەكەت دەپ ايىپتادى. زارداپ شەككەندەرگە گۋمانيتارلىق كومەك جىبەرىلەتىنى ايتىلىپ وتىر.

وسى وقيعادان كەيىن تۇركيا، ا ق ش، ماروككو، گەرمانيا، تەگەران تۇرعىندارى نارازىلىق اكسيالارىنا شىقتى. ولار گازانىڭ بەيبىت تۇرعىندارىن قىرىپ جاتقان يزرايلگە نارازى.

اۆتور

بالنۇر قوجاگەلدى

سوڭعى جاڭالىقتار