ايگىلى «اداي» كۇيىنىڭ اۆتورى كىم؟
استانا. قازاقپارات - بۇگىندە ماڭعىستاۋ ءوڭىرىنىڭ گيمنىنە اينالىپ ۇلگەرگەن «اداي» كۇيىن كەيبىرەۋلەر ادايدىڭ ءبىر قىزى شىعارىپتى دەگەندى ايتىپ ءجۇر، سول راس پا؟ جالپى، بۇل كۇي تۋرالى قانداي دا ءبىر بولجامدار بار ما؟
ءبىرىنشى بولجام. «اداي» كۇيىنىڭ قالاي شىققاندىعى تۋرالى جازۋشى ءانۋار ءالىمجانوۆتىڭ «ماحامبەتتىڭ جەبەسى» دەگەن كىتابىندا ماحامبەت-يساتاي كوتەرىلىسى كەزىندە قازاقتاردىڭ گەككە وتريادىنا قارسى كۇرەستە تاباندىلىق تانىتقان جاساقشىلار اراسىنداعى اداي رۋىنان شىققان ازاماتتارعا ارناپ قۇرمانعازىنىڭ ءوزى شىعارعانى تۋرالى جازىلسا، ال ەكىنشى نۇسقادا قۇرمانعازى جولاۋشىلاپ كەلە جاتىپ ءبىر ادايدىڭ ۇيىنە تۇسەتىنى ايتىلىپ ءجۇر.
وندا قۇراعىم ءۇيدىڭ كەرەگەسىندە ءىلۋلى تۇرعان دومبىرانىڭ ۇكىسى ونىڭ يەسىنىڭ نە قىز بالا، نە سال-سەرىنىڭ ءبىرى ەكەندىگىن مەڭزەگەندەي ەدى. قۇرەكەڭ قولىنا دومبىرانى الىپ، ءبىر-ەكى قاعىپ كورىپ، ادەيى تەرىس بۇراپ، قايتادان ورنىنا ءىلىپ قويادى.
ءبىراز ۋاقىتتان سوڭ ۇيگە كەمپىر مەن شال، سونداي-اق ولاردىڭ 18 جاستاعى قىزى كىرەدى. قىز اقماڭداي ەكەن، «مىنا دومبىراعا كىم تيگەن» دەپ ءوز بۇراۋىنا ءتۇسىرىپ، ءبىر كۇيدى تارتا جونەلگەن ەكەن. سونداعى تارتىلعان كۇي ءدال وسى «اداي» كۇيى بولۋى مۇمكىن دەگەن دە بولجام بار.
