اۋىلشارۋاشىلىق تەحنيكاسىن ساتىپ الۋ: 5 پايىزبەن 120 ميلليارد تەڭگە بولىنگەن
استانا. KAZINFORM - فەرمەرلەرگە « جەڭىلدەتىلگەن ليزينگ» باعدارلاماسى بويىنشا اۋىلشارۋاشىلىق تەحنيكاسىن ساتىپ الۋ ءۇشىن %5- بەن 120 ميلليارد تەڭگە باعىتتالدى.
بۇل تۋرالى ق ر اۋىل شارۋاشىلىعى ۆيتسە- ءمينيسترى ازات سۇلتانوۆ مالىمدەدى.
« اۋىل شارۋاشىلىعى تەحنيكاسىمەن جاڭارتۋ دەڭگەيى %4,5- دان %5,5- عا دەيىن ۇلعايدى. بۇعان دەيىن اگروتەحنولوگيالاردى كەڭىنەن ەنگىزۋگە جەڭىلدەتىلگەن قارجىلاندىرۋدىڭ جەتكىلىكسىزدىگى كەدەرگى بولدى، ءبىرىنشى كەزەكتە بۇل - كوكتەمگى ەگىس جانە ەگىن جيناۋ جۇمىستارىنا جەڭىلدەتىلگەن كرەديت بەرۋ.
ماسەلەڭ بيۋدجەتتىك نەسيەلەۋدىڭ جەتىسپەۋشىلىگىنەن تۋىنداپ وتىردى، ويتكەنى بۇرىن سالانى تىكەلەي مەملەكەتتىك قارجىلاندىرۋعا باسا نازار اۋدارىلعان.
اعىمداعى جىلى بۇل تاسىلدەر قايتا قارالدى. كوممەرتسيالىق قاراجات پەن قارجى قۇرالدارىن بىرىكتىرۋ ەسەبىنەن كوكتەمگى ەگىس جانە ەگىن جيناۋ جۇمىستارىنا قارجىلاندىرۋ كولەمى 3 ەسەدەن استام ۇلعايدى»، - دەدى ۆيتسە- مينيستر « اتامەكەن» ۇلتتىق كاسىپكەرلەر پالاتاسىنىڭ XII سەزى الدىنداعى جيىندا.
سونىمەن قاتار، ا ش م وكىلى فەرمەرلەرگە جىلىنا « تازا» %5- بەن جەڭىلدەتىلگەن قاراجاتتى تەزىرەك جەتكىزۋ ءۇشىن اتقارىلعان جۇمىستاردى اتادى.
«قىسقا مەرزىمدە ۇكىمەتتىڭ قولداۋى ارقىلى الەۋمەتتىك-كاسىپكەرلىك كورپوراتسيالار، اگرارلىق نەسيە كورپوراتسياسى، ەكىنشى دەڭگەيلى بانكتەر ارقىلى فەرمەرلەرگە « جەڭىلدەتىلگەن ليزينگ» باعدارلاماسى بويىنشا وتاندىق ءوندىرىستىڭ ەڭ قاجەتتى تەحنيكاسىنىڭ كەڭ تىزبەسىن ساتىپ الۋ ءۇشىن « تازا» %5- بەن 120 ميلليارد تەڭگە باعىتتالدى»، - دەدى ازات سۇلتانوۆ.
ايتا كەتەيىك، استانادا « اتامەكەن» ق ر ۇلتتىق كاسىپكەرلەر پالاتاسىنىڭ XII سەزى ءوتتى. ورتالىق مەملەكەتتىك ورگان ۆيتسە-مينيسترلەرىنىڭ، ق م ا، انتيكور، باس پروكۋراتۋرانىڭ باسشىلىق قۇرامدارى جانە «قازاگروقارجى» ا ق، «بايتەرەك» ۇ ب ح ا ق، « سامۇرىق-قازىنا» ا ق جانە باسقا دا جەتەكشى دامۋ ينستيتۋتتارىنىڭ قاتىسۋىمەن وتكەن شارادا ەلىمىزدىڭ تۇكپىر-تۇكپىرىنەن كەلگەن شارۋالار وزدەرىن تولعاندىرعان ماسەلەسىن ايتتى.
اۆتور
ەربول جانات
