مۇناي 1 كۇندە 10 دوللارعا ارزاندادى
الماتى. قازاقپارات - 4-قاراشادا الەمدىك مۇناي باعاسى تاعى قۇبىلدى.
Brent ماركالى مۇنايدىڭ فيۋچەرستەرى %0,25- عا ارزانداپ، باررەلىنە 103,34 دوللار بولدى.
ال wti ماركالى مۇناي فيۋچەرستەرى 53 سەنتكە نەمەسە %0,55- عا تومەندەپ، باررەلىنە 95,56 دوللارعا جەتتى.
ال رەسەيلىك Urals مۇنايىنىڭ باعاسى شامامەن 10 دوللارعا تومەندەپ، ءبىر باررەلى 91,03 دوللار بولدى.
مۇناي باعاسىنىڭ وسۋىنە تاياۋ شىعىستاعى قاقتىعىس تا اسەر ەتىپ وتىر. سونىڭ سالدارىنان ورمۋز بۇعازى ارقىلى وتەتىن كەمەلەر قوزعالىسى ايتارلىقتاي قىسقارعان. جاعداي شيەلەنىسكەنگە دەيىن بۇل بۇعاز ارقىلى الەمدىك مۇناي مەن تابيعي گاز جەتكىزىلىمىنىڭ شامامەن بەستەن ءبىر بولىگى تاسىمالداناتىن.
يران يسلام ريەۆوليۋتسياسى ساقشىلارى كورپۋسىنىڭ اسكەري-تەڭىز كۇشتەرىنىڭ مالىمەتىنشە، 25-قازاننان بەرى ورمۋز بۇعازىندا ەرەجەنى بۇزعان 11 تانكەر ورتەنگەن. ولاردىڭ كەيبىرى سۋعا باتقان.
ەسكە سالايىق، 3-قاراشادا الەمدىك مۇناي باعاسى ءسال وسكەن ەدى.
