اتىراۋداعى مۇناي كومپانياسىنا 13,6 ميلليارد تەڭگە ايىپپۇل سالىندى

اتىراۋ. KAZINFORM - اتىراۋ وبلىسىنداعى مۇناي كومپانياسىنا 13,6 ميلليارد تەڭگە ايىپپۇل سالىندى. وندىرىلگەن ايىپپۇل ۇلتتىق قورعا اۋدارىلدى.

اتىراۋ وبلىستىق پروكۋراتۋراسىنىڭ مالىمەتىنشە، تابيعاتتى قورعاۋ سالاسىنىڭ باسىم باعىتى - قاۋىپتى قالدىقتار اينالىمىنا تۇراقتى قاداعالاۋ جۇرگىزۋ.

«ماسەلەن، «كاسپي نەفت» ا ق- نىڭ 2021-2022 -جىلدارى بۇرعىلاۋ جانە كەن ورنىن پايدالانۋ كەزىندە 4500 توننادان استام قاۋىپتى قالدىقتارعا جيناقتالۋ ليميتىن الماعانى انىقتالدى. پروكۋروردىڭ ۇسىنىسىن قاراۋ ناتيجەسى بويىنشا اتىراۋ وبلىستىق سوتىنىڭ سوت القاسىنىڭ 2-شىلدەدەگى قاۋلىسىمەن «كاسپي نەفت» ا ق ق ر اكىمشىلىك قۇقىق بۇزۋشىلىق تۋرالى كودەكسىنىڭ 328-بابىمەن اكىمشىلىك جاۋاپكەرشىلىككە تارتىلىپ، 13684868730 تەڭگە ايىپپۇل سالىندى»، - دەپ حابارلادى وبلىستىق پروكۋراتۋرادان.

پروكۋراتۋرانىڭ پرينتسيپتى ۇستانىمى ناتيجەسىندە اكىمشىلىك ايىپپۇل بيۋدجەتكە ءوندىرىلدى. ايىپپۇل قارجىسى تولىعىمەن ۇلتتىق قورعا اۋدارىلدى.

ەسكە سالا كەتەلىك، بۇدان بۇرىن اتىراۋدا اۋانى لاستايتىن قالدىقتاردىڭ باسىم بولىگى 4 كومپانيانىڭ ۇلەسىنە تيەسىلى ەكەنىن جازعان ەدىك.

سونداي- اق، اتىراۋ وبلىسىندا جەر قويناۋىن پايدالانۋشىعا 12,2 ميلليارد تەڭگە ايىپپۇل سالىنعانىن حابارلاعان بولاتىنبىز.

اۆتور

جولداسبەك شوپەعۇل