اتىراۋدا 12 مىڭ جانكۇيەرگە ارنالعان ستاديون سالىنادى

اتىراۋ. KAZINFORM - اتىراۋ قالاسىندا 12 ورىندىق جاڭا ستاديون سالۋ جوسپارلانىپ وتىر. ستاديون قۇرىلىسىنىڭ قاشان باستالارى ازىرگە بەلگىسىز.

اتىراۋ وبلىسى اكىمىنىڭ ورىنباسارى مارات مۋرزيەۆتىڭ ايتۋىنشا، تۇرعىندار تاراپىنان جاڭا ستاديوننىڭ قاجەتتى تۋرالى ۇسىنىس بەرىلگەن.

«الەۋمەتتىك جەلى ارقىلى دا، ارنايى كەزدەسۋلەردە دە سپورت سۇيەر قاۋىم جاڭا ستاديون قاجەتتىگى جونىندە تالاپ-تىلەكتەرىن ءجيى ايتىپ كەلەدى. وسىعان وراي ايتارىم، بيىل شاھاردا حالىقارالىق تالاپتارعا ساي 12 مىڭ ورىندىق جاڭا ستاديوننىڭ جوباسىن باستاۋدى جوسپارلاپ وتىرمىز. جوبانىڭ تاپسىرىس بەرۋشىسى - وبلىستىق قۇرىلىس، ساۋلەت جانە قالا قۇرىلىسى باسقارماسى. ستاديون اتىراۋ قالاسىنداعى «الامان بازارى» ماڭىنان بوي كوتەرەدى»، - دەپ حابارلادى مارات مۋرزيەۆ.

ونىڭ ايتۋىنا قاراعاندا، قازىر اتالعان قۇرىلىس نىسانى بويىنشا جوبالاۋ-سمەتالىق قۇجاتتاما جاساۋعا تەندەرلىك ءراسىم جۇرگىزىلىپ جاتىر. جاڭا نىسان قۇرىلىسىنا 7,7 گەكتار جەر تەلىمى بولىنگەن. عيماراتتىڭ جالپى اۋدانى - 35 مىڭ شارشى مەتر.

ەسكە سالا كەتەلىك، بۇدان بۇرىن اتىراۋدا «جايلى مەكتەپ» باعدارلاماسىمەن 12 ءبىلىم ورداسى سالىنىپ جاتقانىن حابارلاعان بولاتىنبىز.

اۆتور

جولداسبەك شوپەعۇل