اتىراۋ وبلىسىنىڭ اكىمدىگى ۇلتتىق قورعا 2,5 تريلليون تەڭگە اۋداردى

بيىل 1 جارتىجىلدىقتا وبلىستىڭ جالپى وڭىرلىك ءونىم كولەمى 315,2 ميلليارد تەڭگەنى قۇرادى. بۇل تۋرالى اتىراۋ وبلىسىنىڭ اكىمى سەرىك شاپكەنوۆ ءمالىم ەتتى، دەپ حابارلايدى Kazinform.

«بيىل 1 جارتىجىلدىقتا وبلىستىڭ جالپى وڭىرلىك ءونىم كولەمى 315,2 ميلليارد تەڭگەگە ءوسىپ، ناقتى كولەم يندەكسى % 103,8 قۇرادى. رەسپۋبليكانىڭ جالپى ىشكى ونىمىندەگى وبلىس ەكونوميكاسىنىڭ ۇلەسى % 14,1. ال جان باسىنا شاققانداعى جالپى وڭىرلىك ءونىم 9,6 ميلليون تەڭگە»، - دەدى سەرىك شاپكەنوۆ ورتالىق كوممۋنيكاتسيالار قىزمەت الاڭىندا وتكەن باسپا ءسوز ءماسليحاتىندا.

اكىم بەرگەن اقپاراتقا سايكەس بيىل 10 ايدا ماكروەكونوميكالىق ونەركاسىپ ءونىمىنىڭ كولەمى 9 135,8 ميلليارد تەڭگەنى قۇرادى.

«جىل باسىنان بەرى سالىقتىق جانە باسقا دا مىندەتتى تۇسىمدەر 4,8 تريلليون تەڭگەنى قۇرادى (2022 ج. 11 ايدا - 5,5 تريلليون تەڭگە). ونىڭ ىشىندە مەملەكەتتىك بيۋدجەتكە 2,3 تريلليون تەڭگە ءتۇستى. جىل باسىنان بەرى ۇلتتىق قورعا 2,5 تريلليون تەڭگە اۋدارىلدى»، - دەيدى ول.

اۆتور

داۋلەت ىزتىلەۋ