اتىراۋ وبلىسىندا ەسكەرتۋدى ەلەمەگەن جۇرگىزۋشى جول اپاتىنان كوز جۇمدى

اتىراۋ. KAZINFORM - اتىراۋدا پوليتسەيدىڭ ەسكەرتۋىن ەلەمەگەن جۇرگىزۋشى جول اپاتىن جاساعان. جول-كولىك وقيعاسىنان جۇگىزۋشى مەن جولاۋشى كوز جۇمدى.

اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقيعا 15-قاڭتاردا بولعان.

- پاترۋلدىك پوليتسيا روتاسىنىڭ قىزمەتكەرلەرى رەسپۋبليكالىق ماڭىزى بار تاس جولدا قاۋىپسىزدىكتى ساقتاۋ ءۇشىن كۇن سايىن رەيد جۇرگىزۋدى قولعا الدى. كەشە، 15-قاڭتار كۇنى، ساعات 14:00 شاماسىندا جولدىڭ تايعاق بولۋىنا بايلانىستى جۇرگىزۋشىلەرگە ەسكەرتۋ جاسالعان. الايدا دوسسور- قۇلسارى- بەينەۋ تاس جولىنىڭ 53-شاقىرىمىندا قوعامدىق اۆتوكولىك پەن Chevrolet Cobalt اۆتوكولىگى سوقتىعىسى. جول اپاتىنىڭ سالدارىنان جەڭىل كولىكتى جۇرگىزگەن 48 جاستاعى جۇرگىزۋشى مەن جولاۋشى وقيعا ورنىندا كوز جۇمدى، - دەپ حابارلادى دەپارتامەنتتىڭ باسپا ءسوز قىزمەتى.

پوليتسيا وقيعانىڭ ءمان-جايىن تەكسەرۋ كەزىندە جۇرگىزۋشىنىڭ 1 ساعات بۇرىن ەسكەرتۋ العانىن انىقتاعان. اتالعان دەرەككە قاتىستى تەرگەۋ امالدارى جۇرگىزىلىپ جاتىر.

- كولىك جۇرگىزۋشىلەرىنە اۋا رايىنىڭ قۇبىلۋىنا، جولدىڭ تايعاق بولۋىنا بايلانىستى قاۋىپسىزدىك شارالارىن قاتاڭ ساقتاۋدى ەسكەرتەمىز. اسىرەسە، ارا قاشىقتىقتى ساقتاپ، جىلدامدىقتى شامامدان تىس اسىرماعان ءجون، - دەپ ءمالىم ەتتى دەپارتامەنتتىڭ باسپا ءسوز قىزمەتىنەن.

ەسكە سالا كەتەلىك، بۇعان دەيىن الماتى وبلىسىندا اۆتوبۋس جاياۋ جۇرگىنشىنى قاعىپ، مەرت قىلعانى حابارلانعان ەدى.

اۆتور

جولداسبەك شوپەعۇل