اتىراۋ وبلىسىندا جەر قويناۋىن پايدالانۋشىعا 12,2 ميلليارد تەڭگە ايىپپۇل سالىندى

اتىراۋ. KAZINFORM - اتىراۋ وبلىسى پروكۋراتۋراسىنىڭ باسپا ءسوز قىزمەتىنەن ءمالىم ەتكەندەي، تابيعات قورعاۋ زاڭناماسىنىڭ ساقتالۋىنا تەكسەرۋ جۇرگىزىلگەن. زاڭدىلىقتى بۇزۋشىلاردان بيىلعى 5-ايدا بيۋدجەتكە 15,2 ميلليارد تەڭگەدەن استام قارجى وتەلدى.

айыппұл
Фото: freepik.com

«جەر قويناۋىن پايدالانۋشى ەكولوگيالىق رۇقساتسىز 5 ميلليون تەكشە مەتر كولەمىندە كۇكىرتتى گازدى جاعۋعا جول بەرگەنى انىقتالدى. پروكۋرورلىق قاداعالاۋ شارالارىمەن كىنالى ق ر اكىمشىلىك قۇقىق بۇزۋشىلىق تۋرالى كودەكسىنىڭ 328-بابىنىڭ 1-بولىگى (قورشاعان ورتاعا انتروپوگەندىك اسەر ەتۋ نورماتيۆتەرىن بۇزۋ) بويىنشا جاۋاپقا تارتىلدى. كىنالىگە 12,2 ميلليارد تەڭگە كولەمىندە ايىپپۇل سالىندى»، - دەپ حابارلادى پروكۋراتۋرانىڭ باسپا ءسوز قىزمەتى.

قازىر ەكولوگيالىق زاڭناما تالاپتارىن ساقتاۋ ماسەلەسى وبلىستىق پروكۋراتۋرانىڭ ەرەكشە باقىلاۋىنا الىنىپ وتىر.

ەسكە سالا كەتەلىك، بۇعان دەيىن اتىراۋدا 4 ايدا 7 كاسىپورىنعا 13,7 ميلليارد تەڭگە ايىپپۇل سالىنعانىن جازعان بولاتىنبىز.

سونداي-اق، اتىراۋ مۇناي وڭدەۋ زاۋىتىنىڭ قوندىرعىسىنان سارى ءتۇتىن بۋداقتاعانىن حابارلاعان ەدىك.

اۆتور

ايجان سەرىكجان قىزى

سوڭعى جاڭالىقتار