اتىراۋ وبلىسىندا ەجەلگى قورعاننان التىننان جاسالعان اشەكەيلەر تابىلدى

اتىراۋ وبلىسىندا ەجەلگى قورعاننان التىننان جاسالعان اشەكەي بۇيىمدارى، كەراميكالىق ىدىستار، قانجار مەن جەبە ۇشتارى تابىلدى. ارحەولوگيالىق قازبا جۇمىسىن وبلىستىق تاريحي- ولكەتانۋ مۋزەيىنىڭ ەكسپەديتسيالىق توبى جۇرگىزگەن، دەپ حابارلايدى Kazinform.

Атырау облысында ежелгі қорғаннан алтыннан жасалған әшекейлер табылды
Фото: Фото: Атырау облыстық тарихи-өлкетану музейі

مۋزەي ديرەكتورى مۇحامبەتقالي كيپيەۆتىڭ ايتۋىنشا، ەكسپەديتسيا مۇشەلەرى قىزىلقوعا اۋدانىنداعى «قاراقۇدىق-1»، «قارادۇقىق-2» قورعاندارىنا قازبا جۇمىسىن جۇرگىزىپ، قۇندى جادىگەرلەر تاپقان.

Атырау облысында ежелгі қорғаннан алтыннан жасалған әшекейлер табылды
Фото: Фото: Атырау облыстық тарихи-өлкетану музейі

 

«قاراباۋ اۋىلىنان 8 شاقىرىم جەردە ورنالاسقان قوس قورعاندا ەرتە تەمىر داۋىرىنە جاتاتىن جەرلەۋ ورنى بار ەكەنى انىقتالدى. تونالماعان قوسىمشا جەرلەۋ ورىندارىنان ەكى ايەل مەن ءبىر ەر ادامنىڭ مۇردەسى تابىلدى. جەرلەۋ ورىندارى ءبىزدىڭ زامانىمىزعا دەيىنگى V عاسىرعا سايكەس كەلەدى. ويتكەنى ءبىر مۇردەنىڭ جانىنان 3 التىن بىلەزىك، 2 التىن ساقينا مەن سىرعا، كۇمىس القا جانە جەبە، ال ەكىنشىسىنىڭ قاسىنان بال اشۋعا قاجەتتى زاتتار مەن قۇربان شالۋعا ارنالعان قۇرباندىق تاسى شىقتى. ال شامامەن 2,5 مىڭ جىل بۇرىن ءومىر سۇرگەن ەر ادام جەرلەنگەن قابىردەن قانجار، نايزا، قايراق، ەر توقىمنىڭ تىرەۋىشى، 100-گە جۋىق جەبە مەن سىنعان قازاننىڭ قالدىعى تابىلىپ وتىر»، - دەيدى مۇحامبەتقالي كيپييەۆ.

ونىڭ ايتۋىنشا، مۋزەي ەكسپەديتسياسى الداعى ۋاقىتتا قىزىلقوعا اۋدانىنداعى قاراباۋ قورعانىنا ارحەولوگيالىق زەرتتەۋ جۇمىستارىن جۇرگىزەدى.

Атырау облысында ежелгі қорғаннан алтыннан жасалған әшекейлер табылды
Фото: Фото: Атырау облыстық тарихи-өлкетану музейі

 

«اتىراۋ وبلىستىق تاريحي- ولكەتانۋ مۋزەيى بيىل ناۋرىز ايىندا جاڭا ليتسەنزياعا يە بولدى. ادەتتە ەجەلگى دەنى التىن ىزدەۋشىلەر مەن تايپالاردىڭ اسەرىنەن تونالادى. «قاراقۇدىق-1» قورعانىندا دا ويىس بولدى. قازبا جۇمىستارى كەزىندە قورعاننان شاشىلعان باس- سۇيەكتەر مەن التىن اشەكەيلەر تابىلدى. ادامنىڭ باس سۇيەكتەرى بۇگىنگى كۇنگە دەيىن جەتكەنىمەن، ساقتالۋى وتە ناشار. بۇلاردىڭ بارلىعى الدىن الا زەرتتەۋ جۇمىستارىنا قاراعاندا، ءبىزدىڭ ەرامىزعا دەيىنگى V عاسىردى قامتيدى، - دەدى مۇحامبەتقالي كيپيەۆ.

ەسكە سالا كەتەلىك، بۇدان بۇرىن سارايشىق قالاشىعىنىڭ ورنىنان نوعاي- قازاق كەزەڭىندەگى مونشا تابىلعانىن جازعان ەدىك.

اۆتور

جولداسبەك شوپەعۇل

سوڭعى جاڭالىقتار