اتىراۋ وبلىسىندا ءيتتى ورتەگەن جىگىت قاماۋعا الىندى

اتىراۋ. KAZINFORM - اتىراۋ وبلىسىندا ەر ادام ءيتتى ورتەپ جىبەرگەن. قازىر كۇدىكتى ۇستالىپ، قاماۋعا الىندى.

اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقيعا كەشە، 19-ماۋسىمدا تۇنگى ساعات 23:30 شاماسىندا بولعان.

« قىزىلقوعا اۋدانىنداعى مۇقىر اۋىلىنا جاقىن ماڭدا ءيتتى قاتىگەزدىكپەن ولتىرگەن كۇدىكتى ۇستالدى. ءيتتى ورتەگەن 2003 -جىلعى جىگىتكە قاتىستى قىلمىستىق ءىس قوزعالىپ، تەرگەۋ جۇرگىزۋ باستالدى. كۇدىكتى ۋاقىتشا ۇستاۋ يزولياتورىنا قاماۋعا الىندى»، - دەپ حابارلادى دەپارتامەنتتىڭ باسپا ءسوز قىزمەتى.

ونىڭ قاسىندا 2007 -جىلعى جاسوسپىرىم بولعان. وزگە اقپارات تەرگەۋ مۇددەسىنە سايكەس جاريالاۋعا جاتپايدى.

ەسكە سالا كەتەلىك، بۇدان بۇرىن اتىراۋدا 56 جاستاعى ەر ادامنىڭ ولىمىنە سەبەپشى بولعان كۇدىكتى بۇرىن دا قىلمىس جاساعانىن حابارلاعان بولاتىنبىز.

اۆتور

جولداسبەك شوپەعۇل