اتىراۋ وبلىسىنان ماڭعىستاۋعا كوشىرىلگەن تۇرعىندار سانى ارتتى

اقتاۋ. KAZINFORM - اتىراۋ وبلىسىنىڭ جىلىوي اۋدانىنداعى سۋ تاسقىنى كەزىندە ماڭعىستاۋعا كوشىرىلگەن تۇرعىندار سانى 18 مىڭعا جۋىقتادى.

اۋدان ورتالىعى قۇلسارى قالاسىندا توتەنشە جاعداي باستالعالى بەرى ماڭعىستاۋعا ەۆاكۋاتسيالانعان تۇرعىندار بىرنەشە ەلدىمەكەنگە جەتكىزىلسە، ەكى مىڭعا جۋىعى اقتاۋعا قالاسىنا ۋاقىتشا ورنالاستىرىلدى.

«ونىڭ ىشىندە بەينەۋگە 8510، بورانقۇل اۋىلىنا 7371، ەسەت اۋىلىنا 456، سارعا اۋىلىنا 155، شەتپە كەنتىنە 6، اقتاۋ قالاسىنا 1893 ادام كەلدى»، - دەپ جازىلعان ماڭعىستاۋ وبلىسى اكىمدىگى تاراتقان رەسمي مالىمەتتە.

اتىراۋ وبلىسىنىڭ تۇرعىندارى ماڭعىستاۋعا پويىزبەن، ۇشاقپەن دە كەلىپ جاتىر. ازىرگە، قۇلسارىدان ەۆاكۋاتسيالانعان ادامداردىڭ ناقتى سانى انىقتالعان جوق.

اۆتور

جانكەلدى قارجان