اتىراۋ وبلىسىنان 160 ميلليون جىل بۇرىن ءومىر سۇرگەن جانۋاردىڭ سۇيەگى تابىلدى
استانا. قازاقپارات - اتىراۋ وبلىسىندا وسىدان 160 ميلليون جىل بۇرىن تەڭىزدە ءومىر سۇرگەن باۋىرىمەن جورعالاۋشىلارىنىڭ ومىرتقالارى جانە 50 ميلليون جىل بۇرىنعى الىپ اكۋلانىڭ تىستەرى تابىلدى، دەپ حابارلايدى 24kz.
بيىل وبلىستىق تاريحي- ولكەتانۋ مۋزەيى ۇيىمداستىرعان پالەونتولوگيالىق ەكسپەديتسيا جىلىوي اۋدانىنا قاراستى اقكەگەرشىن، اقتولاعاي، قويقارا، يمانقارا، ءشولقارا تاۋ جوتالارىنىڭ بور ماسسيۆتەرىنە زەرتتەۋ جۇرگىزگەن بولاتىن. دالالىق جانە كامەرالىق پالەونتولوگيالىق ادىستەر قولدانىلعان زەرتتەۋ كەزىندە 511 پالەوفاۋنا مەن پالەوفلورا ۇلگىلەرى جينالدى. ونىڭ ىشىندە ومىرتقالىعا جاتاتىن 259، ومىرتقاسىزدار ساناتىنداعى 229، تاسقا اينالعان 18 اعاش ۇلگىسى بار.
مۇقانبەتقالي قيپيەۆ، وبلىستىق تاريحي- ولكەتانۋ مۋزەيىنىڭ ديرەكتورى:
- وسىدان ميلليونداعان جىلدار بۇرىن بۇل جەرلەردىڭ بارىلعى تەڭىز استىندا بولعان. بۇل جادىگەرلەردىڭ بارلىعى مۋزەي قورىندا ساقتالاتىن بولادى. ءبىز الداعى ۋاقىتتا ۇلكەن كورمەگە شىعاراتىن بولامىز. ءبىر ەسكەرەتىن ءجايت، 1931 -جىلى ريابينين دەگەن پولەونتولوگ ءبىزدىڭ قويقارا تاۋىنان مەزوزوي داۋىرىنە جاتاتىن جانۋاردىڭ ومىرتقالارىن تاۋىپ، ونى «ەمبازاۆر» دەپ اتاعان ەكەن.
