اتىراۋ قالاسىنىڭ اكىمى قايتىس بولدى دەگەن جالعان اقپارات تارادى
اتىراۋ. KAZINFORM - اتىراۋ قالاسىنىڭ اكىمى قايتىس بولدى دەگەن جالعان اقپارات تارادى. وبلىستىق جەدەل شتاب بۇل اقپاراتتى جوققا شىعاردى.
«توتەنشە جاعداي جونىندەگى جەدەل شتابتىڭ جالعان اككاۋنتىندا اتىراۋ قالاسىنىڭ اكىمى شاكىر كەيكيننىڭ كەنەتتەن قايتىس بولعانى تۋرالى اقپارات شىقتى. بۇل اقپارات شىندىققا جاناسپايدى. توتەنشە جاعداي رەجيمى اياسىندا جالعان اقپارات تاراتقانى ءۇشىن قۇقىق بۇزۋشىعا قىلمىستىق جاۋاپكەرشىلىك جۇكتەلەتىنىن ەسكە سالامىز. قازىر قۇقىق قورعاۋ ورگاندارى ءتيىستى شارالاردى قولدانۋ ءۇشىن توتەنشە جاعدايلار جونىندەگى جەدەل شتابتىڭ اتىن جامىلعان جالعان اككاۋنت يەسىن ىزدەۋمەن اينالىسۋدا»، - دەپ حابارلادى وبلىستىق جەدەل شتاب.
وبلىستىق جەدەل شتابتىڭ اقپاراتىنا قاراعاندا، اتىراۋ قالاسىنىڭ اكىمى شاكىر كەيكين جەدەل شتابتىڭ جيىنىسىنا قاتىسقان. اكىم اتىراۋ قالاسىنداعى سۋ تاسقىنىنا دايىندىق بارىسى تۋرالى كەزەكتى بايانداما جاساعان.
ەسكە سالا كەتەلىك، بۇدان بۇرىن اتىراۋدا قوسىمشا اۋە رەيستەرى ەكى ەسە كوبەيىپ، 5 كۇندە 8300 جولاۋشى ۇشقانىن جازعان ەدىك.
اۆتور
جولداسبەك شوپەعۇل
