اتىراۋ ارداگەرلەرى سۋ تاسقىنىنىڭ الدىن الۋ تاسىلدەرىن ۇسىندى

Летчики Нацгвардии продолжают облеты подтапливаемых населенных пунктов
Фото: Минобороны РК

اتىراۋ. KAZINFORM - اتىراۋ وبلىسىنىڭ ارداگەرلەرى تاسقىن سۋدىڭ الدىن الۋعا بايلانىستى ۇسىنىسىن ءبىلدىردى.

اتىراۋ وبلىسىنىڭ اكىمى سەرىك شاپكەنوۆتىڭ ايتۋىنشا، 1993-1994 -جىلدارى جايىق وزەنىنە سۋ شامادان تىس كوپ كەلگەن. بيىل دا مول سۋ كەلەتىنى بولجانىپ وتىر.

وڭىردە سۋ تاسقىنىن توقتاتۋدىڭ ءتاسىلىن بىلەتىندەر ارداگەرلەر از ەمەس.

وبلىس اكىمىمەن كەزدەسۋدە ارداگەرلەر نۇرپەيىس ماقاشيەۆ، مۇرات وتەشوۆ، عابباس حيسمەتۋللين، بيسەن قۋانوۆ، ءناسىپقالي قوناسوۆ، ساعىنباي شوتپاقوۆ، ەدىگە سابىروۆ، اناتولي جمىحوۆ، رومان وليۆكو تاسقىن سۋدى تەجەۋگە قاتىستى تاجىريبە ءبولىستى.

ولار ءبىرقاتار ۇسىنىستارىن ايتتى.

بىرىنشىدەن، گەودەزيستەردىڭ كەڭەسىمەن بالتىق جۇيەسىنە سايكەس جەر بەدەرىن ەسكەرىپ، بوگەتتەر مەن جاعالاۋ قورعانىسىن سالۋ قاجەت.

ەكىنشىدەن، سۋ كەلگەن كەزدە بالىقتىڭ جاپپاي قىرىلۋىن بولدىرماۋ ءۇشىن ەپيدەميولوگتار مەن بالىق شارۋاشىلىعى سالاسىنىڭ ماماندارىنىڭ كەڭەسىنە جۇگىنگەن ءجون.

ۇشىنشىدەن، توپوگرافيالىق سۋرەتتەۋ جۇرگىزىپ، ارنايى كارتانى دايىنداۋدى قولعا الۋ كەرەك.

بۇل ءۇشىن يندەر، ماحامبەت اۋداندارى مەن اتىراۋ قالاسىنىڭ جاعالاۋ ايماعىن قوسىپ، وعان تەحنيكا بەكىتىلۋگە ءتيىس.

تورتىنشىدەن، وڭىردەگى نارىن، باقساي، سوكولوۆ، سارىوزەك كانالدارىنىڭ تابانىن تازارتىپ، وزەن سۋىنىڭ جولىن اشۋدىڭ ماڭىزى زور.

ەسكە سالا كەتەلىك، بۇدان بۇرىن اتىراۋ وبلىسىنداعى ءبىر اۋداندا توتەنشە جاعداي جاريالانعانىن حابارلاعان ەدىك.

كەيىن ويىل وزەنىندەگى سۋ تاسقىنىنا بايلانىستى ميالى اۋىلىنان 559 تۇرعىن ەۆاكۋاتسيالاندى.

سونداي- اق، ميالى اۋىلىنا تىرەلگەن سۋدىڭ دەڭگەيى 1 مەتر 20 س م بولدى.

ويىل وزەنىنىڭ ماڭىنان 7 شارۋا قوجالىعى ءاۋىپسىز اۋماققا كوشىرىلدى.

سونداي- اق، كەشە سۋ تاسقىنىنان قىزىلقوعا اۋدانىنداعى 8 وكرۋگكە ءالى دە قاۋىپ بار ەكەنىن حابارلاعانبىز.

بۇگىن اتىراۋ وبلىسىندا سۋ تاسقىنىنىڭ قاۋپى ءالى تولىق سەيىلمەگەنىن جازعانبىز.

ال جىلىوي اۋدانىندا جەم وزەنىنىڭ سۋى 2 مەتر 53 س م- گە كوتەرىلدى.

اتىراۋدا جايىق وزەنىنىڭ جاعالاۋى نىعايتىلىپ جاتىر.

اۆتور

جولداسبەك شوپەعۇل

سوڭعى جاڭالىقتار