اۆتوكولىك ەكسپورتىندا قىتاي ءبىرىنشى ورىنعا شىقتى
استانا. KAZINFORM - قىتاي اۆتوموبيل وندىرۋشىلەرى قاۋىمداستىعىنىڭ مالىمەتىنشە، 2023-جىلى قىتايدىڭ اۆتوموبيل ەكسپورتى تۇڭعىش رەت جاپونيانى باسىپ وزىپ، الەمدە ءبىرىنشى ورىنعا شىقتى. بۇل تۋرالى قىتايدىڭ «جەنمين جيباو» اقپاراتتىق پورتالى ءمالىم ەتتى.
قىتايلىق ب ا ق- تىڭ دەرەگىنشە، 31-قاڭتاردا جاپونيانىڭ اۆتوموبيل وندىرۋشىلەرى قاۋىمداستىعى 2023-جىلى جاپوندىق اۆتوموبيل ەكسپورتى تۋرالى دەرەكتەردى جاريالاعان.
اتاپ ايتقاندا، 2023-جىلى جاپوندىق اۆتوموبيل ەكسپورتى 4,42 ميلليون كولىكتەن اسقان.
«بۇعان دەيىن قىتاي اۆتوموبيل وندىرۋشىلەرى قاۋىمداستىعىنىڭ دەرەكتەرى قىتايدىڭ اۆتوكولىك ەكسپورتى 2023-جىلى 4,91 ميلليون دانا بولعانىن كورسەتكەن. بۇل قىتايدىڭ اۆتوكولىك ەكسپورتىندا العاش رەت جاپونيانى باسىپ وزىپ، الەمدەگى ەڭ ءىرى اۆتوكولىك ەكسپورتتاۋشى بولدى دەگەندى بىلدىرەدى»، - دەپ جازادى «جەنمين جيباو».
اۆتور
بەيسەن سۇلتان
