اپتا باسىندا اياز 30 گرادۋسقا دەيىن كۇشەيىپ، كوكتايعاق بولادى

ауа райы
Фото: Pexels

استانا. KAZINFORM - قازيدرومەت سينوپتيكتەرى 23-25-قاڭتار ارالىعىنا ارنالعان ءۇش كۇندىك اۋا رايى بولجامىن جاريالادى.

الداعى ءۇش كۇندە رەسپۋبليكانىڭ بۇكىل باتىس جارتىسىنا باتىس انتيتسيكلون اسەر ەتەدى.

سالدارىنان جاۋىن-شاشىنسىز ايازدى اۋا رايى ساقتالادى.

ال ەلدىڭ قالعان ايماقتارى وڭتۇستىك سيكلون جانە سوعان بايلانىستى اتموسفەرالىق فرونتتار ىقپالىندا بولادى.

سوندىقتان قار ارالاس جاڭبىر جاۋادى. كوكتايعاق، تۇمان جانە بوران سوعىپ، جەل كۇشەيەدى.

تۇندە ەلدىڭ باتىسىندا اۋا تەمپەراتۋراسى - 22-30 گرادۋس ايازعا دەيىن، سولتۇستىك- باتىستا — 20-30 گرادۋس ايازعا دەيىن، سولتۇستىكتە، ورتالىقتا جانە شىعىستا — 7-18 گرادۋس ايازعا دەيىن السىرەيدى.

وڭتۇستىكتە مينۋس 5 پەن پليۋس 5 اراسىندا بولادى، وڭتۇستىك- شىعىستا تەمپەراتۋرا 0-10 گرادۋس ايازعا دەيىن كوتەرىلەدى.

اۆتور

جانات قاپالبايەۆا

سوڭعى جاڭالىقتار