اۆستراليادا 16 جاسقا تولماعاندارعا الەۋمەتتىك جەلىنى پايدالانۋعا تىيىم سالىنادى

استانا. KAZINFORM - اۆستراليا ۇكىمەتى كەلەسى جىلدىڭ اياعىندا 16 جاسقا تولماعان بالالار مەن جاسوسپىرىمدەرگە الەۋمەتتىك جەلىلەردى پايدالانۋعا تىيىم سالۋ تۋرالى زاڭ شىعارۋى مۇمكىن.

سينگاپۋردىڭ 8world.com اقپارات قۇرالدارىنىڭ حابارلاۋىنشا، اۆستراليا پرەمەر-ءمينيسترى ەنتوني البانەسە جاقىندا وتكەن باسپا ءسوز ءماسليحاتىندا الەۋمەتتىك جەلىلەردى شامادان تىس پايدالانۋ جاستاردىڭ فيزيكالىق جانە پسيحيكالىق دەنساۋلىعىنا اسەر ەتەتىنىن اتاپ ءوتتى.

سوندىقتان اۆستراليا ۇكىمەتى قازىرگى ۋاقىتتا بالالاردىڭ الەۋمەتتىك مەديا پلاتفورمالارىن پايدالانۋىنا جول بەرمەۋ ءۇشىن وتە قاتاڭ شارالار قابىلداۋدى جوسپارلاپ وتىر.

ءتيىستى شارالار جاس شەكتەۋلەرىن ورناتۋدى قامتيدى.

Facebook, Instagram, TikTok, X جانە YouTube سياقتى نەگىزگى الەۋمەتتىك مەديا پلاتفورمالارىنا اۆستراليا ۇكىمەتى شەكتەۋ قويۋى مۇمكىن.

وسىعان دەيىن ا ق ش- تىڭ مونتانا شتاتىندا Tik Tok-قا تىيىم سالىنعانى تۋرالى جازدىق.

اۆتور

مۇقتار مۇرات