استانانىڭ كەيبىر اۋدانىندا جاياۋ جۇرۋگە ۋاقىتشا شەكتەۋ قويىلۋى مۇمكىن

استانا. KAZINFORM - استانادا تەرروريزمگە قارسى وقۋ-جاتتىعۋ وتەدى. بۇل تۋرالى ەلوردالىق تەرروريزمگە قارسى كۇرەس جونىندەگى جەدەل شتابى حابارلادى.

9-قاراشادا ساعات 7:00 - 14:00 ارالىعىندا ەلوردالىق تەرروريزمگە قارسى كۇرەس جونىندەگى جەدەل شتابىمەن استانا قالاسى اۋماعىندا «ۆەتەرەناريا بويىنشا ۇلتتىق رەفەرەنتتىك ورتالىق» جاعدايىندا (ابايدىڭ 150 جىلدىعى كوشەسى، 22/3 ءۇي) تەرروريزمگە قارسى جوسپارلى وقۋ-جاتتىعۋ وتكىزۋ كوزدەلگەن.

شارانىڭ ماقساتى - قۇقىق قورعاۋ جانە ارنايى قىزمەت ورگاندارى كۇش- قۇرالدارىنىڭ تەرروريزم قاۋىپتەرىنە قارسى جەدەل ارەكەت ەتۋ دايىندىعىن تەكسەرۋ.

وقۋ-جاتتىعۋ اياسىندا بەلگىلى دەڭگەيدە تىيىمدار مەن قالانىڭ كەيبىر اۋدانىندا جاياۋ ءجۇرۋ جانە كولىك قوزعالىستارىنا ۋاقىتشا شەكتەۋلەر ەنگىزۋ قاراستىرىلعان.

- وسىعان وراي، ازاماتتاردى ءوتىپ جاتقان شاراعا تۇسىنىكپەن قاراۋعا، قاۋىپسىزدىك شارالارىن ساقتاۋعا، مەملەكەتتىك ورگاندار قىزمەتكەرلەرىنىڭ زاڭدى تالاپتارىن ورىنداۋعا، تەك رەسمي اقپارات كوزدەرىنە سەنۋگە جانە جالعان اقپاراتتاردىڭ تارالۋىنا جول بەرمەۋگە شاقىرامىز، - دەپ ەسكەرتتى ۆەدومستۆودان.

بۇعان دەيىن تەرروريزمدى ناسيحاتتاپ، ءدىني الاۋىزدىقتى قوزدىرۋعا جانە ادامداردى تارتۋعا قاتىسقان 5 ادام ۇستالعانى بەلگىلى بولدى.

اۆتور
اينۇر تۋماكبايەۆا