استانانىڭ جەلى باس تۋدى زاقىمداعان
استانا. KAZINFORM - استانا قالاسىنىڭ اكىمدىگى رامىزدەر الاڭىنداعى باس مەملەكەتتىك تۋعا نەگە جاماۋ تۇسكەنىن ءتۇسىندىردى.
«6-قاراشادا ەلوردادا كۇشتى جەل باستالىپ، ق ر مەملەكەتتىك رامىزدەرى الاڭىنداعى تۋدى زاقىمدادى. جاڭا تۋدىڭ قويمادان جەتكىزۋىنە دەيىن قولدانىستاعى جالاۋدى ءىشىنارا قالپىنا كەلتىرۋ تۋرالى شەشىم قابىلداندى. بۇگىن جاڭا تۇسكە قاراي جاڭا جالاۋ ءىلىندى»، - دەپ ءتۇسىندىردى اكىمدىكتەگىلەر.
بۇعان دەيىن تۇركىستان وبلىسىندا جىرتىق تۋدىڭ جەلبىرەپ تۇرعان ۆيدەوسى تاراعان ەدى.
ەسكە سالساق، الماتى وبلىسى تالعار اۋدانىنداعى قوقىس پوليگونىنان مەملەكەتتىك رامىزدەر تابىلعان بولاتىن.
اكىمدىك قىزمەتكەرلەرى پوليگون الاڭىن تەكسەردى. تەكسەرۋ كەزىندە اتالعان مەملەكەتتىك رامىزدەردىڭ جانىندا ءبىلىم بەرۋ مەكەمەسى - كوللەدجدىڭ قۇجاتتارى بار ەكەنى انىقتالدى. باسقا ءمان-جايلار انىقتالىپ جاتىر.
اۆتور
ەسىمجان ناقتىباي
