استانانىڭ باس جوسپارى: الماتى اۋدانى ەكىگە بولىنەدى

استانا. KAZINFORM - ەلوردادا تۇرعىندار سانى جىل سايىن ارتىپ، سايكەسىنشە قالا بيلىگى شاھاردىڭ باس جوسپارىنا ءجىتى نازار اۋداراتىن بولدى. بۇگىن قالالىق ءماسليحاتتا شاھاردى دامىتۋ جوسپارلارى تالقىلاندى.

استانا قالاسى اكىمىنىڭ ءبىرىنشى ورىنباسارى نۇرلان نۇركەنوۆتىڭ ايتۋىنشا، مەملەكەت باسشىسىنىڭ تاپسىرماسىنا سايكەس بىلتىر قالانى دامىتۋدىڭ 2035 -جىلعا دەيىنگى باس جوسپارى ازىرلەنگەن. بيىل قاڭتاردا ۇكىمەتتىڭ قاۋلىسىمەن بەكىتىلگەن.

باس جوسپارعا سايكەس، الماتى اۋدانىن ەكىگە ءبولۋ ۇسىنىلعان. سولتۇستىك بولىگى ءوزىنىڭ تاريحي بولىكتەرى مەن اتاۋىن ساقتاپ، اۋدانى 8518 گەكتاردى قۇرايدى دەپ جوسپارلانىپ وتىر.

«ال جەدەل قارقىنمەن دامىپ كەلە جاتقان وڭتۇستىك بولىكتىڭ جالپى اۋدانى 6953 گەكتاردى قۇراپ، ول جەردە جاڭا اكىمشىلىك اۋدان پايدا بولادى»، - دەدى ن. نۇركەنوۆ.

بولجام بويىنشا، 2035 -جىلعا قاراي الماتى اۋدانىنىڭ حالقىنىڭ سانى 390 مىڭنان 659 مىڭ ادامعا دەيىن ارتپاق. تۇرعىن ءۇي قورى 11,7 ميلليون شارشى مەتردەن 20 ميلليون شارشى مەترگە دەيىن وسەدى دەپ كۇتىلىپ وتىر. سايكەسىنشە، باسقا-باسقا اتالعان اۋداندى ەكىگە ءبولۋ ءتيىمدى بولماق.

اۆتور

ورالحان قوجانوۆ