استاناداعى يندۋستريالدى پاركتەن قانشا پايدا ءتۇسىپ جاتىر

ەلورداداعى يندۋستريالدى پاركتەن قالا قازىناسىنا ميللياردتاعان پايدا ءتۇسىپ، جاڭا جۇمىس ورىندارى اشىلىپ جاتىر، دەپ حابارلايدى Kazinform.

Астанадағы индустриалды парктен қанша пайда түсіп жатыр
Фото: Фото: kazpravda.kz

«قازىرگى ۋاقىتتا ەلوردادا ەكى ارنايى ەكونوميكالىق ايماق جۇمىس ىستەيدى. ءبىرى - «استانا - جاڭا قالا» اۋماعى، 15,4 گەكتار، ەكىنشى - «استانا تەحنوپوليس» اۋماعى، 653 گەكتار. قايتا وڭدەۋ ونەركاسىبى سالاسىنداعى جوبالار 1-يندۋستريالدى پاركتىڭ اۋماعىندا ورنالاسقان. بۇگىندە بۇل الاڭ جالپى سوماسى 322,6 ميلليارد تەڭگە بولاتىن 99 جوبانى قامتيدى. ونىڭ ىشىندە 247,1 ميلليارد تەڭگەگە 50 جوبا پايدالانۋعا بەرىلدى. بۇگىندە 5,2 مىڭنان استام تۇراقتى جۇمىس ورنى قۇرىلدى. جالپى قۇنى 75,5 ميلليارد تەڭگە بولاتىن تاعى 49 جوبا ىسكە اسىرىلادى. ونىڭ 15,7 ميلليارد تەڭگەسى قازىردىڭ وزىندە ىسكە اسىرىلىپ جاتىر الداعى ءۇش جىلدا تولىق ىسكە قوسىلادى دەپ جوسپارلانعان»، - دەدى استانا قالاسى ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى حالەل اكىمجانوۆ قوعامدىق كەڭەس وتىرىسىندا.

ونىڭ ايتۋىنشا، قازىر يندۋستريالدى پاركتەگى ءوندىرىس كولەمى 6,5 تريلليون تەڭگەگە جەتىپ وتىر.

«ونىڭ ىشىندە ەكسپورت - 106 ميلليارد تەڭگە، سالىق اۋدارىمدارى - 186,2 ميلليارد تەڭگە. قازىر 1- يندۋستريالدى پاركتە 16 كاسىپورىن قۇرىلىس يندۋسترياسى سالاسىندا. جەڭىل ونەركاسىپتە – 14، ماشينا جاساۋدا – 12، حيميا سالاسىندا – 4، تاماق ونەركاسىبىندە 1 كاسىپورىن جۇمىس ىستەيدى. شەتەلدىكتەردىڭ قاتىسۋ ۇلەسى - %20، 9 جوبا. ەكسپورتتىق ءونىمدى 12 كاسىپورىن وندىرەدى»، - دەيدى ول.

اۆتور

داۋلەت ىزتىلەۋ

سوڭعى جاڭالىقتار