استاناداعى كولىك كەپتەلىسى 10 بالعا جەتتى

استانا. KAZINFORM - تولاسسىز جاۋعان قاردىڭ كەسىرىنەن استاناداعى كولىك كەپتەلىسى 1,5 ساعاتتىڭ ىشىندە 9 بالدان 10 بالعا ءوستى.

2GIS- ءتىڭ ساعات 18.00-دەگى مالىمەتى بويىنشا قالانىڭ نەگىزگى كوشەلەرىنىڭ ءبارى «قىزىل» تۇسپەن بەلگىلەنگەن. قالىپتى كۇندەرى بۇل كوشەلەردە كەپتەلىس تاڭعى جانە كەشكى پيك- ساعاتتاردا تىركەلەتىن.

كەپتەلىس اسىرەسە EXPO قالاشىعى مەن «استانا ارەنا» كەشەنىمەن شەكتەسىپ جاتقان كوشە قيىلىستارىندا، «اقوردا» رەزيدەنسياسى مەن «حازىرەت سۇلتان» مەشىتىنىڭ اينالاسىنداعى قيىلىستاردا قاتتى سەزىلىپ تۇر. سونداي- اق، «Asia Park» ساۋدا- ويىن ساۋىق ورتالىعى مەن ماڭگىلىك ەل كوشەسىنىڭ وڭ جاعالاۋعا ۇلاسقان تۇسىندا كەپتەلىس «قويۋلانىپ» جاتىر.

اكىمدىكتىڭ تاڭەرتەڭ تاراتقان مالىمەتى بويىنشا، قاراشانىڭ 12-سىنەن 13 -نە قاراعان ءتۇنى كوممۋنالدىق قىزمەتتەر ەلوردادان 28 مىڭ تەكشە مەتردەن استام قار شىعارعان. بۇگىن كۇندىزگى اۋىسىمدا قالا كوشەلەرىن قار مەن مۇزدان 2,6 مىڭعا جۋىق جول جۇمىسشى مەن 1,5 مىڭعا جۋىق ارنايى تەحنيكا تازارتىپ ءجۇر.

جالى ەلورداعا قار تۇسە باستاعاننان بەرى قالا سىرتىنداعى پوليگوندارعا 154 مىڭ تەكشە مەتردەن استام قار توگىلگەن.

اۆتور

ەسىمجان ناقتىباي