13:42, 18 - ماۋسىم 2024 | GMT +5
استانادا وتەتىن ش ى ۇ سامميتى كەزىندە بۇكىل بالاباقشالار 2 كۇنگە جابىلادى
استانا. KAZINFORM - شاڭحاي ىنتىماقتاستىق ۇيىمى سامميتىن وتكىزۋگە وراي 3 جانە 4-شىلدەدە استاناداعى بالاباقشالار جابىلادى.

ەلوردالىق ءبىلىم باسقارماسى بۇل اقپاراتتى راستادى.
«قازاقستاننىڭ وقۋ-اعارتۋ جانە ىشكى ىستەر مينيسترلىكتەرىنىڭ حاتىنا بايلانىستى ەلوردادا 3-4 -شىلدە كۇندەرى مەكتەپكە دەيىنگى ۇيىمدار جۇمىس ىستەمەيدى»، - دەپ حابارلادى باسقارما.
ايتا كەتەيىك، ش ى ۇ سامميتى استانادا 3-4 -شىلدەدە وتەدى.
وندا ش ى ۇ- عا مۇشە مەملەكەتتەردىڭ باسشىلارى ساياسي، ساۋدا-ەكونوميكالىق جانە مادەني-گۋمانيتارلىق ءوزارا ءىس-قيمىلدىڭ وزەكتى ماسەلەلەرىن تالقىلايدى.
فورۋمعا بايقاۋشى ەلدەر كوشباسشىلارى مەن ديالوگ بويىنشا سەرىكتەستەر دە قاتىسادى دەپ كۇتىلىپ وتىر.
اۆتور
ايجان سەرىكجان قىزى