استانادا سالىنىپ جاتقان 34 مەكتەپتىڭ نەشەۋى قازاق تىلدە ءبىلىم بەرەدى
استانا. KAZINFORM - استانا قالاسىنىڭ ءبىلىم باسقارماسى Kazinform ساۋالىنا بەرگەن جاۋابىندا ەلوردادا سالىنىپ جاتقان 34 مەكتەپتىڭ ءبىلىم بەرۋ ءتىلى تۋرالى تۇسىنىكتەمە بەردى.
«مەكتەپتەر پايدالانۋعا بەرىلگەننەن كەيىن وقىتۋ ءتىلى جانە باعىتى انىقتالاتىن بولادى. مەكتەپتەردىڭ قاي تىلدە ءبىلىم بەرەتىنى مەكتەپتى اشۋ قارساڭىندا مەكتەپتىڭ قىزمەت كورسەتۋ اۋماعىنداعى تۇرعىنداردىڭ سۇرانىسى مەن مەكتەپ اكىمشىلىگىنىڭ جارعىسىمەن بەكىتىلەدى»، - دەپ جازىلعان جاۋاپتا.
بىلتىر استانا مەكتەپتەرىندە ءبىرىنشى سىنىپقا 28 مىڭنان استام بالا قابىلدانسا، بيىلعى وقۋ جىلىنا ءبىرىنشى سىنىپقا بولجاممەن وتىز مىڭنان استام بالا كەلەدى دەگەن بولجام بار.
«اتا-انالاردىڭ كوبى بالالارىن مەملەكەتتىك تىلدە بەرۋگە سۇرانىپ جاتادى. اتا-انالارعا قولايلى بولۋ ءۇشىن ءبىلىم باسقارماسى ءار مەكتەپتىڭ قىزمەت كورسەتۋ اۋماعى كورسەتىلگەن اقپاراتتى رەسمي سايتتا جاريالاپ وتىرادى. اتا-انالار بالالارىن تۇرعىلىقتى مەكەن-جايىنا جاقىن ورنالاسقان مەكتەپكە اپارا الادى»، - دەلىنگەن رەسمي مالىمەتتە.
اۆتور
ەسىمجان ناقتىباي
