استانادا سۋ تاسقىنىنا قارسى جۇمىس جۇرگىزىلىپ جاتىر

استانا. KAZINFORM - استانا قالاسىنىڭ اكىمى جەڭىس قاسىمبەك Instagram-داعى پاراقشاسىندا سۋ تاسقىنىنا قارسى قانداي شارۋالار اتقارىلىپ جاتقانى تۋرالى جازدى.

ەلوردا اكىمدىگى سايتىنىڭ حابارلاۋىنشا، بيىل سۋ تاسقىنى قاۋپى بار ۋچاسكەلەردىڭ سانى 20-عا دەيىن ازايعان.

«قالادا سۋ تاسقىنىنا قارسى جۇمىس بەلسەندى ءجۇرىپ جاتىر. كوممۋنالدىق قىزمەتتەر 7 ميلليون 100 مىڭ تەكشە مەتردەن استام قار شىعاردى، بۇل وتكەن قىس مەزگىلىنىڭ سايكەس كەزەڭىمەن سالىستىرعاندا 2 ميلليون تەكشە مەترگە ارتىق. وتكەن جىلدارمەن سالىستىرعاندا سۋ تاسقىنى قاۋپى بار ۋچاسكەلەردىڭ سانى 20-عا دەيىن ازايدى. قازىرگى ۋاقىتتا ارىق- ناۋا جەلىسىنىڭ 61 مىڭ 600 پوگوندىق مەتردەن استامى تازارتىلدى، 14 مىڭ پوگودىق مەتردەن استام كوللەكتور جۋىلدى، 9 مىڭ 400 پوگوندىق مەتردەن استام قۇبىر، 4 مىڭ دانا باقىلاۋ، جاڭبىر قابىلداۋ قۇدىعى جانە ت. ب. بۋلاندىرىلدى. سونداي-اق نوسەرلى كارىز جۇيەلەرىنە زاڭسىز كىرمە جولداردى انىقتاۋ بويىنشا جانە ت. ب. جۇمىستار جۇرگىزىلىپ جاتىر، - دەدى جەڭىس قاسىمبەك.

ول سونىمەن قاتار ەلوردانى ارالاۋ بارىسىندا قالانى سۋ تاسقىنىنان ينجەنەرلىك قورعاۋعا جاۋاپتى استانا كونتررەگۋلياتورىنا، سونداي-اق ەسىل وزەنىنىڭ ارناسىن قايتا جاڭارتۋ ۋچاسكەلەرىنە بارعانىن اتاپ ءوتتى.

«قورعانىس قۇرىلىمىنىڭ جالپى كولەمى 450 ميلليون تەكشە مەتردەن اسادى. قازىرگى ۋاقىتتا نىساننىڭ تولتىرىلۋ كورسەتكىشى شامامەن 48 ميلليون تەكشە مەتردى قۇرايدى. سۋ دەڭگەيىن تۇراقتاندىرۋ ماقساتىندا نىساننان 10 كۆپ مەتىر/س كولەمىندە سۋ اعىزىلادى. سونىمەن بىرگە ەسىل وزەنىنىڭ اكۆاتورياسىنىڭ دەڭگەيىن رەتتەۋ جانە قالانىڭ ورتالىق بولىگىندە سۋ كولىگى قاتىناسىن قامتاماسىز ەتۋ ماقساتىندا ەسىل وزەنىنىڭ ارناسىن قالپىنا كەلتىرۋ جۇرگىزىلىپ جاتىر. بۇل جۇمىستىڭ ءبارى جالعاسۋدا. ازاماتتىق قورعاۋ ورگاندارى، كوممۋنالدىق قىزمەتتەر جانە ت. ب تۇراقتى دايىندىقتا. سول سياقتى اقمولا وبلىسىندا سۋ تاسقىنىنا قارسى ءىس-شارالاردى وتكىزۋ ماقساتىندا 100-دەن استام جۇك جانە مامانداندىرىلعان تەحنيكا ءبولىندى»، - دەپ جازدى جەڭىس قاسىمبەك.

اۆتور

ابىلايحان جۇماشيەۆ