استانادا قىرعىز كينوسىنىڭ كۇندەرى باستالدى

استانا. قازاقپارات - ساۋىردە استانادا قىرعىز كينوسى كۇندەرى اشىلدى.

ءىس-شاراعا قىرعىز رەسپۋبليكاسىنىڭ قازاقستانداعى ەلشىسى داستان ديۋشەكەيەۆ، ق ر مادەنيەت جانە اقپارات مينيسترلىگى مادەنيەت كوميتەتىنىڭ ءتوراعاسى كۇمىس سەيىتوۆا، ق ر سىرتقى ىستەر مينيسترلىگى، قىرعىز دياسپوراسى مەن ب ا ق وكىلدەرى قاتىستى.

قىرعىز كينوسى كۇنىنىڭ اشىلۋىندا قىرعىز رەجيسسەرى رۋسلان اكۋننىڭ «بەييش ەنەنين تامانىندا» (پەيىش انانىڭ تابانىندا) فيلمى كورسەتىلدى.

فيلم وي-ءورىسى سەگىز جاسار بالانىڭ دەڭگەيىندە قالىپ قويعان جىگىتتىڭ قيىندىققا تولى ءومىرى جانە انانىڭ بالاعا دەگەن ماحابباتى جايىندا.

كينوكارتينانىڭ كوپ بولىگى قازاقستان اۋماعىندا تۇسىرىلگەن.

ايتا كەتەيىك، فيلمنىڭ پرەمەراسى ناۋرىز مەرەكەسى قارساڭىندا قىرعىزستان مەن قازاقستان كينوتەاترلارىندا بىردەي ءوتتى.

باستى ماقسات - ەكى ەلدىڭ مادەني بايلانىسىن نىعايتىپ، كورشى ەلدىڭ كينو ءوندىرۋ سالاسىنا قولداۋ كورسەتۋ.

اتالمىش فيلم - قىرعىز كينوسى كۇندەرى اياسىندا قازاقستاندىق كورەرمەن كورەتىن جالعىز كارتينا ەمەس.

4 -ساۋىردە «تەنيربەردي» (تاڭىربەردى) فيلمى كورسەتىلەدى. تۋىندى جەڭىل، كومەديالىق جانرداعى ەتيكالىق قۇندىلىقتار تاقىرىبىن قوزعايدى.

ايتا كەتەيىك، ەكى ەل كينووندىرۋشىلەرى بىرلەسىپ، بىرنەشە ءساتتى جوبالار جاسادى.

اتاپ ايتساق، قازاقستاندىق جانە قىرعىزستاندىق كينەماتوگرافيستەردىڭ بىرلەسكەن جۇمىسى ناتيجەسىندە «ۇكىم» فيلمى ءتۇسىرىلدى.