استانادا قوعامدىق كولىك باعاسى وزگەرەدى

استانا. KAZINFORM - ەلوردادا اۆتوبۋستاردىڭ جولاقىسىن كوتەرۋ جوسپارلانۋدا. قاۋلىنىڭ جوباسى «اشىق ن ق ا» پورتالىندا جاريالاندى.

قازىر قالالىق قوعامدىق كولىكتەردە جولاقى 90 تەڭگە، ەندى جاڭا قاۋلىنىڭ نەگىزىندە اۆتوبۋس قۇنىن 110 تەڭگەگە ارتتىرۋ ۇسىنىلىپ وتىر.

«قوعامدىق كولىكتەرمەن جولاۋشىلار مەن جۇك تاسىمالداۋعا 110 تەڭگە مولشەرىندە ءبىرىڭعاي تاريف بەلگىلەنسىن»، - دەلىنگەن قۇجاتتا.

قاۋلى استانا بويىنشا قالا ءىشى مەن ونىڭ ماڭىنا جولاۋشىلار مەن جۇكتەردى تاسىمالداۋ مارشرۋتتارىنا مىناداي مولشەردە سارالانعان تاريفتى بەلگىلەيدى:

- ەلەكتروندىق جول ءجۇرۋ قۇجاتى نەمەسە قوسىمشا ەلەكتروندىق تولەم سەرۆيستەرى ارقىلى قولما-قول اقشاسىز تولەۋ كەزىندە جولاۋشىلار مەن جۇكتەردى قوعامدىق كولىكتەرمەن تاسىمالداۋعا -110 تەڭگە؛

- ەلەكتروندىق جول ءجۇرۋ قۇجاتى نەمەسە قوسىمشا ەلەكتروندىق تولەم سەرۆيستەرى ارقىلى قولما-قول اقشاسىز تولەۋ كەزىندە جولاۋشىلار مەن جۇكتەر تاسىمالى -250 تەڭگە؛

- ەلەكتروندىق جول ءجۇرۋ قۇجاتى نەمەسە قوسىمشا ەلەكتروندىق تولەم سەرۆيستەرى ارقىلى قولما-قول اقشاسىز تولەۋ كەزىندە جولاۋشىلاردى الەۋمەتتىك ماڭىزى بار ورىندارعا تاسىمالداۋعا-110 تەڭگە؛

- ەلەكتروندىق جول ءجۇرۋ قۇجاتى نەمەسە قوسىمشا ەلەكتروندىق تولەم سەرۆيستەرى ارقىلى قولما-قول اقشاسىز تولەۋ كەزىندە جولاۋشىلار مەن جۇكتەردى قالا ماڭىنا قوعامدىق كولىكتەرمەن تاسىمالداۋعا - 1 شاقىرىمعا 9 تەڭگە 50 تيىن؛

- قولما-قول اقشامەن تولەگەن كەزدە جولاۋشىلار مەن جۇكتەردى قوعامدىق كولىكتەرمەن تاسىمالداۋعا - 220 تەڭگە؛

- قولما-قول اقشامەن تولەگەن كەزدە جولاۋشىلار مەن جۇكتەردى قوعامدىق كولىكتەرمەن تاسىمالداۋعا-350 تەڭگە؛

- قولما-قول اقشامەن تولەگەن كەزدە جولاۋشىلاردى الەۋمەتتىك ماڭىزى بار ورىندارعا تاسىمالداۋعا - 220 تەڭگە؛

- جولاۋشىلار مەن جۇكتەردى قولما-قول اقشامەن تولەۋ كەزىندە قالا ماڭىنا قوعامدىق كولىكتەرمەن تاسىمالداۋعا - 1 شاقىرىمعا 14 تەڭگە.

سونداي-اق، قۇجاتتا ەلەكتروندىق تولەم جۇيەسىنەن اقاۋ شىققان جاعدايدا جولاۋشىنىڭ تەگىن جول جۇرۋگە قۇقىعى بار ەكەندىگى ايتىلعان.

اتالعان قاۋلى جوباسى 2024-جىلعى 5-ناۋرىزعا دەيىن قوعام تالقىلاۋىنا ۇسىنىلىپ وتىر.

اۆتور

داۋلەت ىزتىلەۋ