استانادا ماس كۇيىندە كولىك جۇرگىزگەن ايەل جۇكتىمىن دەپ سوتتى الدادى

استانا. KAZINFORM - استانا قالاسىنىڭ پروكۋراتۋراسى 350-دەن استام جۇرگىزۋشىنى اكىمشىلىك جاۋاپكەرشىلىككە تارتتى. ونىڭ ىشىندە 43 ايەل بار.

قۇقىق بۇزۋشىلار جازادان جالتارۋ ماقساتىندا قىلمىستىق جاۋاپكەرشىلىككە اكەپ سوعاتىن باسقا دا ارەكەتتەر جاسايتىنى بار.

مىسالى، قالا تۇرعىنى ماس كۇيىندە كولىك جۇرگىزگەنى ءۇشىن قامالماس ءۇشىن سوتقا جۇكتىلىگى تۋرالى انىقتاما بەرگەن، ول جالعان بولىپ شىقتى.

سوت 15 تاۋلىككە قاماۋعا الۋ جانە 7 جىلعا كولىك جۇرگىزۋ قۇقىعىنان ايىرۋ جازاسىن تاعايىندادى.

جالعان قۇجات پايدالانۋ فاكتىسى بويىنشا وعان قاتىستى ق ك 385-بابى بويىنشا سوتقا دەيىنگى تەرگەۋ باستالدى.

اكىمشىلىك زاڭنامانىڭ نورمالارىنا سايكەس كولىك قۇرالىن الكوگول، ەسىرتكى جانە ۋىتقۇمار ماس كۇيىندە باسقارۋ 30 تاۋلىككە دەيىنگى مەرزىمگە اكىمشىلىك قاماققا الۋعا جانە كولىك قۇرالىن باسقارۋ قۇقىعىنان 9 جىلعا دەيىن ايىرۋعا اكەپ سوعادى.

اۆتور

جانات قاپالبايەۆا