استانادا جوعالعان كاسىپكەردىڭ دەنەسى اقمولا وبلىسىنان تابىلدى
كوكشەتاۋ. KAZINFORM - استانادا جوعالعان كاسىپكەردىڭ دەنەسى اقمولا وبلىسىنىڭ سەلينوگراد اۋدانى اۋماعىنان تابىلدى. قوزعالعان قىلمىستىق ءىستى استانالىق پوليتسەيلەر تەرگەپ جاتىر.
اقمولا وبلىسى پ د قىزمەتىنىڭ مالىمەتىنشە، استانا تۇرعىنىنىڭ ولىمىنە بايلانىستى «كىسى ءولتىرۋ» بابى بويىنشا قىلمىستىق ءىس قوزعالعان.
«ءىستى تەرگەۋ اياسىندا قاجەتتى تەرگەۋ ارەكەتتەرى جۇرگىزىلۋدە. ءىس اۋماقتىق جاعىنان استانا قالاسىنىڭ پوليتسيا دەپارتامەنتىنە بەرىلەدى»، - دەپ ءتۇسىندىردى ۆەدومستۆودان.
پ د باسپا ءسوز قىزمەتىنەن اتاپ وتكەندەي، قىلمىستىق پروتسەسسۋالدىق كودەكستىڭ 201-بابىنا سايكەس وزگە اقپارات جاريا ەتىلمەيدى.
ايتا كەتسەك، بۇدان بۇرىن بۋرابايدا ايەلدىڭ كۇيگەن دەنەسى تابىلعانىن جازعان ەدىك. سونداي-اق ستەپنوگور قالاسىندا مەديتسينالىق انىقتامالاردى قولدان جاساۋ دەرەگى انىقتالعانىن حابارلاعان بولاتىنبىز.
اۆتور
اسلان وسپانوۆ
