12:30, 13 - مامىر 2024 | GMT +5
استانادا ءۇيدىڭ شاتىرىنان 20 جىل ىزدەۋدە جۇرگەن ادام تابىلدى
استانا. KAZINFORM - الماتى اۋداندىق پ ب قىزمەتكەرلەرى كورشى مەملەكەتتىڭ اۋماعىندا الاياقتىق ارەكەتتەرىن جاساعانى ءۇشىن 20 جىلدان استام ۋاقىت مەملەكەت ارالىق ىزدەۋدە جۇرگەن رەسەي فەدەراتسياسىنىڭ 53 جاستاعى ازاماتىن ۇستادى.
ءى ءى م باسپا ءسوز قىزمەتىنىڭ مالىمەتىنشە، كۇدىكتى الدىمەن قىرعىزستانعا قاشىپ، ول جاقتان استاناداعى تۋىستارىنا كەلگەن. جەدەل ىزدەستىرۋ شارالارىنىڭ ناتيجەسىندە ەر ادام ءۇيدىڭ شاتىرىنان تابىلدى.
قازىرگى ۋاقىتتا ونى رەسەيگە ەكستراديتسيالاۋ ماسەلەسى شەشىلىپ جاتىر.
اۆتور
ەلميرا ورالبايەۆا
