استانادا بالاسىن جالعىز قالدىرىپ كەتكەن انانى ىزدەپ جاتىر
استانا. KAZINFORM - جەلىدە كوشەدە جالعىز جۇرگەن 3-4 جاسار بالانىڭ تابىلعانى جايلى اقپارات تارادى. اتالعان جاعداي بويىنشا كولىكتەگى پوليتسيا دەپارتامەنتىنىڭ باسپا ءسوز قىزمەتى تۇسىنىك بەردى.
- استانا ستانسياسىنداعى جەلىلىك پوليتسيا باسقارماسى كامەلەتكە تولماعان بالانىڭ باسىن قاۋىپ-قاتەرگە تىگۋ فاكتىسى بويىنشا سوتقا دەيىنگى تەرگەپ-تەكسەرۋدى باستادى. قازىر تابىلعان بالا پروفيلاكتيكالىق ماقساتتا مەديتسينالىق مەكەمەگە ورنالاستىرىلدى، - دەلىنگەن حابارلامادا.
قازىر پوليتسيا بالانىڭ اناسىن ىزدەپ جاتىر.
سونداي- اق، كولىكتەگى پوليتسيا دەپارتامەنتىنەن قىلمىستىق- پروتسەستىك كودەكستىڭ 201-بابىنا سايكەس وزگە اقپارات جاريالاۋعا جاتپايتىنى ەسكەرتىلدى.
ايتا كەتسەك، جاڭا جىل قارساڭىندا توتەنشە جاعدايلار ماماندارى قامالىپ قالعان 4 بالانى قۇتقاردى.
داۋلەت ىزتىلەۋ
اۆتور
