13:54, 13 - مامىر 2024 | GMT +5
استانادا بالانىڭ باسىنا ءۇيدىڭ قاسبەتى قۇلادى
استانا. KAZINFORM - ەلوردادا كوپقاباتتى تۇرعىن ۇيدەن شىعا بەرگەن بالانىڭ ۇستىنە قاسبەت قۇلادى.
جەلىدەگى جازباعا قاراعاندا وقيعا «Sat City» كوپقاباتتى تۇرعىن ۇيدە (اسفەندياروۆ كوش، 7) بولعان. ۆيدەودان قاسبەتتىڭ بالانىڭ باسىنا قالاي قۇلاعانىن بايقاۋعا بولادى.
بالانىڭ جاعدايىن ءبىلۋ ءۇشىن قالالىق قوعامدىق دەنساۋلىق ساقتاۋ باسقارماسىنا حابارلاسقان ەدىك.
«2024 -جىلعى 12-مامىردا №2 كوپبەيىندى قالالىق بالالار اۋرۋحاناسىنىڭ تراۆماتولوگيالىق پۋنكتىنە باستىڭ ساماي بولىگىنىڭ جارالىنۋىمەن 2013 -جىلى تۋعان بالا ءتۇستى. تەكسەرۋ كەزىندە قان كەتۋسىز كوگەرگەن جارا انىقتالدى. جالپى جاعدايى قاناعاتتانارلىق»، - دەيدى باسقارمادان.
حابارلامادا ايتىلعانداي، بالا حيرۋرگتىڭ امبۋلاتوريالىق باقىلاۋىنا جىبەرىلگەن، سونداي-اق ءتيىستى ۇسىنىستار بەرىلگەن.
اۆتور
داۋلەت ىزتىلەۋ
