استانادا «ارۋانا» ۇزدىك ايەلدەر جوبالارىنىڭ كونكۋرسى وتەدى

استانا. KAZINFORM – ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا 8-ناۋرىز - حالىقارالىق ايەلدەر كۇنىنە وراي «ارۋانا» ۇزدىك ايەلدەر جوبالارىنىڭ كونكۋرسىن وتكىزەدى.

بۇل تۋرالى ەلوردا اكىمدىگىنىڭ باسپا ءسوز قىزمەتى مالىمدەدى.

ءىس-شارانىڭ ماقساتى - وڭىرلەردە ادامداردىڭ ءومىر ءسۇرۋ ساپاسىن جانە قوعامنىڭ الەۋمەتتىك ءال-اۋقاتىن ارتتىرۋعا باعىتتالعان نەعۇرلىم ماڭىزدى جانە پايدالى جوبالاردى، باستامالار مەن پراكتيكالاردى انىقتاۋ جانە قولداۋ كورسەتۋ. كونكۋرسقا قازاقستان اۋماعىندا الەۋمەتتىك ماڭىزى بار جوبالاردى ىسكە اسىراتىن ايەلدەر مەن ايەلدەر قوعامدىق بىرلەستىكتەرى قاتىسادى.

كونكۋرستىق ىرىكتەۋ اياسىندا ەل وڭىرلەرىندە ماسشتابتاۋدىڭ جوعارى الەۋەتى بار ۇزدىك ايەلدەر الەۋمەتتىك جوبالارى ايقىندالادى. كونكۋرستىق كوميسسيا 2024-جىلعى 5-20-اقپان ارالىعىندا وتىنىمدەردى قابىلداۋ مەن جوبالاردى ىرىكتەۋدى جۇرگىزەدى. ىرىكتەلگەن جەڭىمپاز جوبانى ۇلتتىق كوميسسياعا جولداۋ مەرزىمى -2024-جىلعى 22-اقپاندى قوسا العاندا.

بايقاۋ ءبىر كەزەڭدە - وڭىرلىك دەڭگەيدە وتكىزىلەدى. كونكۋرس جەڭىمپازدارىن ايقىنداۋ جونىندەگى كوميسسيا وبلىس اكىمىنىڭ جەتەكشىلىك ەتەتىن ورىنباسارىنىڭ توراعالىعىمەن مەملەكەتتىك ورگانداردىڭ، ازاماتتىق سەكتوردىڭ وكىلدەرى، ايەلدەر ىستەرى جانە وتباسىلىق- دەموگرافيالىق ساياسات جونىندەگى وڭىرلىك كوميسسيالاردىڭ مۇشەلەرى قاتارىنان كەمىندە 5 (بەس) ادامنان قۇرىلادى.

كونكۋرسقا قاتىسۋ ءۇشىن ءوتىنىم ارنايى نىسان بويىنشا (قوسا بەرىلەدى) قاعاز نەمەسە ەلەكتروندىق نۇسقادا راستايتىن قۇجاتتارمەن، فوتو جانە بەينەماتەريالدارمەن قوسا كوميسسياعا بەرىلەدى. وتىنىمدەردى كورسەتىلگەن مەرزىمنەن كەيىن ۇسىنعان قاتىسۋشىلار كونكۋرسقا قاتىسپايدى. كوميسسياعا ۇسىنىلعان وتىنىمدەر، قۇجاتتار، فوتو جانە بەينەماتەريالدار قايتارىلمايدى.

كونكۋرستىق كوميسسيا مىناداي ولشەمشارتتاردى ەسكەرە وتىرىپ، وتىرىسقا قاتىساتىن بارلىق مۇشەلەرىنىڭ كوپشىلىك داۋىسىمەن اشىق داۋىس بەرۋ ارقىلى شەشىم قابىلدايدى:

• جوبانىڭ وزەكتىلىگى (1 دەن 5 بالعا دەيىن)؛

• جوبانىڭ الەۋمەتتىك ماڭىزدىلىعى (1دەن 5 بالعا دەيىن)؛

• جوبانىڭ قول جەتكىزىلگەن ناتيجەلەرى (1دەن 5 بالعا دەيىن)؛

• جوبانى قامتۋ (1 دەن 5 بالعا دەيىن). ىرىكتەۋ قورىتىندىسى بويىنشا 1 (ءبىر) جەڭىمپاز جوبا ۇلتتىق كوميسسياعا جىبەرىلەدى.

كونكۋرس جەڭىمپازدارىن ماراپاتتاۋ ءراسىمى 8-ناۋرىز حالىقارالىق ايەلدەر كۇنى قارساڭىندا سالتاناتتى تۇردە ديپلوم جانە ەرەكشەلىك بەلگىسىن (مۇسىنشە) تاپسىرا وتىرىپ وتكىزىلەدى.

اۆتور

ەلميرا ورالبايەۆا