استانادا اداسىپ كەتكەن 8 جاسار بالا «SOS» دابىل تۇيمەسىنە جۇگىنگەن
استانا. KAZINFORM - استانا پوليتسەيلەرى اداسىپ كەتكەن 8 جاسار بالانى اتا-اناسىنا تابىستادى. بۇل تۋرالى Polisia.kz سايتى جازدى.
بۇگىن تاڭدا ەلوردالىق پوليتسيا قىزمەتىنە زاماناۋي سيفرلىق تەحنولوگيالاردى ەنگىزۋ ارقىلى قوعامدىق ءتارتىپتى قورعاۋدى، قامتاماسىز ەتۋدەگى ماسەلەلەردى وڭدى ءارى ءتيىمدى شەشۋگە، سونداي-اق ازاماتتاردىڭ بارلىق وتىنىشىنە جەدەل دەن قويۋعا مۇمكىندىك بەرىپ كەلەدى. وسىلايشا، كوكتال ساياباعىندا ورنالاسقان «SOS» دابىل تۇيمەسىنە جاۋاپ بەرگەن بالا ءوزىنىڭ اداسىپ قالعانىن حابارلاعان. ونىڭ قوڭىراۋى بىردەن جەدەل باسقارۋ ورتالىعىنىڭ پوليتسيا قىزمەتكەرىنە قوسىلعان. ءسويتىپ بەينەكامەرا ارقىلى قوسىلعان جۇيە بارلىق دەرەكتەردى اۆتوماتتى تۇردە جازىپ الىپ، حابارلاماعا جىلدام جاۋاپ بەرۋگە مۇمكىندىك بولعان. قوڭىراۋ قابىلدانىپ، دەرەۋ وڭدەلگەن.
وقيعا ورنىنا جەدەل جىبەرىلگەن پاترۋلدىك پوليتسيا پولكىنىڭ اۆتوپاترۋل قىزمەتكەرلەرى 8 جاسار بالانى ۇيىنە جەتكىزىپ، اتا-اناسىنا امان-ەسەن تاپسىرعان. استانا قالاسىنىڭ ءتارتىپ ساقشىلارى اتا-انالارعا بالانىڭ مىنەز-قۇلقىن باقىلاۋ قاجەتتىگىن ايتىپ، ولارعا تاربيەلىك مىندەتتەردى تيىسىنشە ورىنداماعانى ءۇشىن ءتيىستى جاۋاپكەرشىلىكتە قاراستىرىلاتىنىن ەسكەرتەدى.
اۆتور
باقىتگۇل اباي قىزى
