استانادا 8-ناۋرىز مەرەكەسى قارساڭىندا قانداي ءىس-شارالار وتەدى

استانا. KAZINFORM - استانادا 8-ناۋرىز - حالىقارالىق ايەلدەر كۇنى قارساڭىندا ءتۇرلى كونسەرتتەر، قويىلىمدار، قۇتتىقتاۋ ءىس-شارالارى جوسپارلانىپ وتىر. بۇل تۋرالى حابارلايدى ەلوردا اكىمدىگىنىڭ رەسمي سايتى.

6-ناۋرىز كۇنى ە. راحماديەۆ اتىنداعى فيلارمونيا زالىندا ساعات 19:30- دا «جىگىتتەر» توبىنىڭ 20 جىلدىق مەرەكەلىك كونسەرتى وتەدى. سول سياقتى ءدال وسى كۇنى «استانا وپەرا» وپەرا جانە بالەت تەاترىندا حالىقارالىق ايەلدەر كۇنىنە وراي «نۇرا» اۋدانى ايەلدەر قاۋىمىنا ارنالعان «تى - مويا مەلوديا» مەركەلىك كونسەرتى، «ناز» مەملەكەتتىك بي تەاترىندا «ارۋ عۇمىر» كونسەرتى ۇيىمداستىرىلادى.

7-ناۋرىز كۇنى ەلوردانىڭ ءبىرقاتار ءبىلىم بەرۋ مەكەمەسىندە مەرەكەلىك ءىس-شارالار جوسپارلانىپ وتىر. ماسەلەن، ە. سەركەبايەۆ اتىنداعى № 3 ب مم - دە، ر. باعلانوۆا اتىنداعى № 2 ب م م- دە، № 16 ورتا مەكتەپتە «كوكتەم مەرەكەسى» 8-ناۋرىز حالىقارالىق ايەلدەر كۇنىنە ارنالعان مەرەكەلىك كونسەرت ۇيىمداستىرىلادى. سول سياقتى «تەحنيكالىق شىعارماشىلىق ورتالىعىندا» «ارداقتى اناشىم» تەحنيكالىق ديزاين ۇيىرمە وقۋشىلارى اراسىندا كونسەرتتىك باعدارلاما ۇيىمداستىرىلادى.

7-ناۋرىز كۇنى ە. راحماديەۆ اتىنداعى فيلارمونيادا ساعات 19:30- دا نۇربولات ءابدۋلليننىڭ جەكە كونسەرتى وتەدى.

8-ناۋرىز كۇنى ساعات 18:00- دە م. گوركي اتىنداعى ماودت ساحناسىندا «ۆوسەم ليۋبياشيح جەنشين» قويىلىمى، مۋزىكالىق جاس كورەرمەن تەاترىندا ساعات 14:00- دە جانە 19:00- دە «گاۋھارتاس» قويىلىمى، سول سياقتى جاستار تەاترىندا ساعات 19:00- دە تەاترلاندىرىلعان كونسەرتتىك باعدارلاما «ماحاببات مينياتيۋرالارى» جوسپارلانىپ وتىر.

8-ناۋرىز كۇنى ساعات 19:30- دا ە. راحماديەۆ اتىنداعى فيلارمونيادا «توقتار مەن بەيبىت: جاڭا باعدارلاما» كونسەرتى وتەدى.

9-ناۋرىزدا بەيبىتشىلىك جانە كەلىسىم سارايىندا ساعات 19:30- دا اليشەر كاريموۆتىڭ جەكە كونسەرتى وتەدى. ال ساعات 19:00- دە ە. راحماديەۆ اتىنداعى فيلارمونيادا «شىمكەنت شوۋ» ءازىل-ىسقاق تەاترىنىڭ مەرەكەلىك كونسەرتى وتەدى.

سونىمەن قاتار، 9-ناۋرىز كۇنى № 65 مەكتەپ-گيمنازياسىندا مەكتەپ جانە بالاباقشا وقىتۋشىلارى مەن تاربيەشىلەر اراسىندا سپارتاكيادا وتەدى.

10-ناۋرىز ساعات 19:00- دە ە. راحماديەۆ اتىنداعى فيلارمونيادا قۋاندىق راحىم مەن البينا شارداروۆانىڭ «بولايىق بىرگە» اتتى كونسەرتى ۇيىمداستىرىلادى.

مەرەكە قارساڭىندا ەلوردانىڭ بارلىق اۋدانىندا «التىن القا» جانە «كۇمىس القا» القالارىمەن كوپبالالى انالاردى ماراپاتتاۋ ءراسىمى وتەدى.

بايقوڭىر اۋدانىنىڭ اكىمى تىل ەڭبەككەرلەرىن ارنايى قۇتتىقتاسا، وزگە اۋدانداردا بەلسەندى ايەلدەردى قۇتتىقتاۋ ءىس-شارالارى جوسپارلانىپ وتىر.

سول سياقتى «قامقور» الۋمەتتىك قىزمەت كورسەتۋ ورتالىعىندا «قامقور ارۋلارى» اتتى قىزمەت الۋشىلار اراسىندا، سول سياقتى «ارۋلار نازىك جاندار» اتتى قىزمەتكەرلەر اراسىندا مەرەكەلىك ءىس-شارالار وتەدى.

اۆتور

باقىتگۇل اباي قىزى