استانادا 21-22-ناۋرىز كۇندەرى ناۋرىز مەيرامىنا وراي قانداي ءىس-شارالار وتەدى

استانا. قازاقپارات - 14-ناۋرىز كۇنى ناۋرىز مەيرامىن تويلاۋعا ارنالعان ناۋرىزناما ونكۇندىگى باستالدى. وسى 10 كۇن ىشىندە استانادا مەرەكەگە وراي 200 دەن استام اۋقىمدى ءىس-شارالار - كونسەرتتەر، كورمەلەر، قويىلىمدار، شىعارماشىلىق كەشتەر جانە ت. ب. وتەدى.

استانادا 21-22 -ناۋرىز كۇندەرى ناۋرىز مەيرامىنا وراي قانداي ءىس-شارالار وتەدى

قالانىڭ بارلىق اۋدانىندا ءتۇرلى مەرەكەلىك شارالار وتەدى. 21-22-ناۋرىزدا ەلوردانىڭ قالالىق الاڭىندا، «قازاق ەلى» جانە «بايتەرەك» مونۋمەنتتەرىنىڭ جانىندا، «استانا ارەنا» ستاديونى مەن ەكسپو الاڭىنىڭ اۋماعىندا قازاقستاندىق ەسترادا جۇلدىزدارىنىڭ قاتىسۋىمەن نەگىزگى مەرەكەلىك كونسەرتتەر جوسپارلانىپ وتىر.

استانادا ناۋرىز مەيرامىن تويلاۋ اياسىندا ەلوردا تۇرعىندارى مەن قوناقتارى ءۇشىن تانىمال ونەر جۇلدىزدارىنىڭ قاتىسۋىمەن انيماتسيالىق، تەاترلاندىرىلعان جانە كونسەرتتىك باعدارلامالار وتەدى. ساحنادا قانات ۇمبەتوۆ، اباي بەگەي، الىشەر كارىموۆ، ايدار بايدىلدين، «التىن» تريوسى، «ارت دومبىرا» توبى، ءمادي قادىروۆ، عالىمجان جولداسباي، نۇركەن ياكيايەۆ، «مەلومەن» توبى، جاقسىكەلدى ماياساروۆ، «قازاقيا» دۋەتى، ايگەرىم مامىروۆا، كەڭەس ءالىمجان، عادىلبەك جاناي، مارجان اراپبايەۆا، نۇرلان مەن مۇرات، اسحات تارعىن، ايگۇل يمانبايەۆا، «التىن» ەتنو انسامبلى، ديارت توبى، «بايتەرەك»، ەرنار جۇماتايەۆ جانە ت. ب. سىندى ەسترادا جۇلدىزدارى مەن شىعارماشىلىق ۇجىمدار ونەر كورسەتەدى.

ەسىل اۋدانىندا مەرەكەلىك ءىس-شارالار مىنا ورىنداردا وتەدى:

- 22-ناۋرىز كۇنى ساعات 13:00-دە «بايتەرەك» مونۋمەنتىندە كونسەرت قويىلىپ، ۇلتتىق سپورت تۇرلەرىنەن جارىستار وتەدى، مۇندا قولونەر جارمەڭكەسى مەن مەرەكەلىك ساۋدا ۇيىمداستىرىلادى؛

- 21 -ناۋرىز كۇنى ساعات 14:00-دە جانە 22-ناۋرىزدا 13:00-دە ەكسپو اۋماعىندا كونسەرتتىك باعدارلاما، ۇلتتىق سپورت تۇرلەرىنەن جارىستار، قولونەر جارمەڭكەسى، مەرەكەلىك ساۋدا-ساتتىق وتەدى.

سارى ارقا اۋدانىندا:

مەرەكەلىك ءىس-شارالار قالالىق الاڭدا 21-22-ناۋرىز كۇندەرى ساعات 13:00-دە باستالادى. مەرەكەلىك شارا بارىسىندا سەگىز كيىز ءۇي تىگىلىپ، ەلوردا قوناقتارى قولونەرمەن تانىسىپ، ۇلتتىق تاعامدار ساتىلاتىن، سول سياقتى ءداستۇرلى بۇيىمدار جارمەڭكەسىن تاماشالايدى. الاڭدا ۇلتتىق سپورت تۇرلەرىنەن جارىستار ءوتىپ، ەلوردالىق ونەرپازداردىڭ قاتىسۋىمەن مەرەكەلىك كونسەرت وتەدى.

سونداي-اق، 22-ناۋرىز كۇنى ساعات 11:00-دە «قازاق كۇرەسىنەن» قالا تۇرعىندارى اراسىندا بىرىنشىلىك وتەدى. بىلەكتى بالۋاندار مەن جەڭىمپازدار ءۇشىن باعالى سىيلىقتار بار.

بايقوڭىر اۋدانىندا مىنا ورىندار بەلگىلەندى:

21-22- ناۋرىزدا ساعات 13:00-دەن باستاپ اتاتۇرىك ساياباعىنا كەلۋشىلەر مەرەكەلىك كونسەرتتىك باعدارلامالاردى تاماشالاپ، ۇلتتىق سپورت تۇرلەرىنەن: قازاق كۇرەسى، ارقان تارتۋ، گىر كوتەرۋ، اسىق اتۋ، قوي كوتەرۋ، ت. ب. جارىستارعا قاتىسا الادى.

سونداي-اق، ارنايى «ءاز-ناۋرىز» فوتوايماق ۇيىمداستىرىلادى.

ءدال وسىنداي باعدارلاما 21 -ناۋرىز كۇنى ساعات 12:00-دە جازۋشىلار اللەياسىندا (اباي داڭعىلى مەن سەمبينوۆا كوشەسىنىڭ قيىلىسى) وتەدى.

سارايشىق اۋدانىندا:

21 جانە 22 -ناۋرىز كۇندەرى ساعات 13:00-دەن باستاپ «قازاق ەلى» مونۋمەنتى جانىنداعى الاڭدا كونسەرتتىك باعدارلاما، ۇلتتىق سپورت تۇرلەرىنەن جارىستار، قولونەر جارمەڭكەسى، مەرەكەلىك ساۋدا وتەدى.

الماتى اۋدانىندا مەرەكەلىك ءىس-شارالار مىنا ورىنداردا وتەدى:

- 21-22 -ناۋرىزدا ساعات 13:00-دە تاۋەلسىزدىك داڭعىلىنىڭ بويىنداعى ءال-فارابي اتىنداعى وقۋشىلار سارايىنىڭ اۋماعىندا كونسەرت پەن ۇلتتىق سپورت تۇرلەرىنەن جارىستار ۇيىمداستىرىلادى، مۇندا قولونەر جارمەڭكەسى مەن مەرەكەلىك ساۋدا وتەدى، سونىمەن قاتار ۇلتتىق سالت-ءداستۇردى كورسەتەتىن كورىنىستەر ۇيىمداستىرىلادى؛

- 22-ناۋرىز كۇنى ساعات 12:00-دەن باستاپ SANA سپورت كەشەنىنىڭ اۋماعىندا، «كۇيشىلەر» اللەياسىندا، «الما» گۇلزارى، ر. قوشقاربايەۆ داڭعىلى، 80/1, «دوستىق ءۇيىنىڭ» الاڭىندا كونسەرتتىك باعدارلاما، ۇلتتىق سپورت تۇرلەرىنەن جارىستار، قولونەر جارمەڭكەسى جانە مەرەكەلىك ساۋدا-ساتتىق وتەدى.

نۇرا اۋدانىندا مەرەكە 20-ناۋرىزدا باستالادى. وسى كۇنى جانە 22-ناۋرىزعا دەيىن ساعات 13:00-دەن باستاپ «استانا ارەنا» ستاديونى الدىنداعى الاڭدا ۇلتتىق ناقىشتا كيىز ۇيلەر تىگىلىپ، قولونەرشىلەردىڭ ساۋدا ورىندارى اشىلادى، سول سياقتى كونسەرتتىك باعدارلاما وتەدى. مۇندا ۇلتتىق سپورت تۇرلەرىنەن دە جارىستار وتەدى. ەستەلىك فوتوسۋرەتكە ءتۇسۋ ءۇشىن بۇركىتشىلەر، تازىلار، تۇيەلەر مەن جىلقىلار، تاقىرىپتىق فوتوايماقتار بولادى. سونداي-اق ەتنيكالىق ستيلدەگى كارتينالار دا كورمەگە قويىلادى.

تۇرعىندار 22 -ناۋرىز كۇنى ساعات 12:00-دەن باستاپ وزبەك، تۇرىكمەن، تاجىك، قىرعىز پالاۋى مەن ۇلتتىق سۋسىنداردى ساتىپ الا الادى. بۇل كۇنى «حان شاتىر» ساۋدا ورتالىعىنا قاراما-قارسى ورنالاسقان «عاشىقتار» ساياباعىندا 4 ەلدىڭ ەلشىلىگى ۇلتتىق ستيلدە كيىز ۇيلەرىن تىگىپ، استانالىقتاردى ءوز مادەنيەتىندەگى ناۋرىز مەرەكەسىن تويلاۋدىڭ ەرەكشەلىگىمەن تانىستىرادى. نازار اۋدارارلىق تاعى ءبىر ورىن جاعالاۋ شاعىن اۋدانىنداعى (سىعاناق كوشەسى، 1) ساياباق بولماق، وندا 22 -ناۋرىز كۇنى ساعات 12:00-دەن باستاپ بۇكىل وتباسى ءۇشىن بايقاۋلار، كونسەرتتىك باعدارلاما جانە ويىن-ساۋىقپەن بىرگە اۋقىمدى گاسترونوميالىق فەستيۆال وتەدى.