10:52, 19 - ءساۋىر 2024 | GMT +6
استانا مەكتەپتەرىندە اتىس بولاتىنى جايلى جالعان حابار تارادى
استانا. KAZINFORM - استانادا مەكتەپتەردە اتىس بولاتىنى جايلى حاباردان كەيىن استانا پوليتسيا دەپارتامەنتى مالىمدەمە جاسادى.
كەشە الدەبىر Telegram كانالدا استانانىڭ ءبىرقاتار مەكتەبىندە اتىس بولاتىنى جايلى ەسكەرتۋ ايتىلدى.
«پوليتسيا دەپارتامەنتى مەسسەندجەرلەردە، سونىڭ ىشىندە Telegram-دا قالا مەكتەپتەرىندە تەرروريزم قاۋپى تۋرالى كەڭ تارالعان جاريالانىم شىندىققا جاناسپايتىنىن حابارلايدى. ءبىلىم بەرۋ ۇيىمدارىن ءتيىستى قىزمەتتەر تەكسەرىپ شىقتى» دەپ حابارلايدى استانا پ د باسپا ءسوز قىزمەتى.
تۇرعىنداردان تىنىشتىقتى ساقتاۋدى جانە تەك رەسمي اقپاراتتى ۇستانۋدى سۇرايمىز.
ەستەرىڭىزگە سالا كەتەيىك، كورىنەۋ جالعان حابارلاما تاراتقانى ءۇشىن قىلمىستىق جاۋاپكەرشىلىك قاراستىرىلعان.
اۆتور
جانات قاپالبايەۆا
