استانا اكىمى تىشقان قاپتاپ جاتقانى تۋرالى تۇرعىنداردىڭ شاعىمىنا جاۋاپ بەردى

استانا. KAZINFORM – ب ا ق وكىلدەرى ەلوردا اكىمى جەڭىس قاسىمبەككە تۇرعىنداردىڭ تىشقاندار قاپتاپ جاتقانى تۋرالى مۇڭىن جەتكىزدى.

«تىشقاندار، ەگەۋقۇيرىقتار تەك كوكتەم مەن جازدا قاپتاپ كەتەدى دەگەن ماسەلەگە كەلسەك، ءبىز بۇل باعىتتا بەلسەندى جۇمىس ىستەپ جاتىرمىز. ەرتە كوكتەمدە باستايمىز، جۇمىس جىل بويى جالعاسادى. بيىل وتكەن جىلدارعا قاراعاندا كوپ نەمەسە وتە كوپ بولدى دەپ ويلامايمىز. سونىمەن قاتار الەۋمەتتىك جەلىلەر مەن ب ا ق- تاعى جاريالانىمداردى كورىپ وتىرمىز»، - دەپ جاۋاپ بەردى جەڭىس قاسىمبەك «بايقوڭىر» اۋدانى تۇرعىندارىمەن كەزدەسۋ بارىسىندا.

سونداي- اق، قالا باسشىسى جاندىكتەرمەن كۇرەسكە بولىنەتىن قارجى كولەمىنىڭ ازايمايتىنىن ايتتى.

«قالا ءوسىپ، تۇرعىن ءۇي كەشەندەرىنىڭ سانى ارتىپ كەلە جاتقانىن ەسكەرسەك، بولىنەتىن سوما ۇلعايادى. قانشا سوما ەكەنىن ءدال ءقازىر ايتا المايمىن، كەيىن جەتكىزەمىن»، - دەپ تولىقتىردى ول.

بۇعان دەيىن جەڭىس قاسىمبەك استاناداعى «قازاقستان» سپورت سارايىنىڭ قۇرىلىسىنىڭ اياقتاۋ مەرزىمىن اتادى.

ايتا كەتسەك، كەشەدەن بەرى ەلوردادا قاتتى جەل سوعىپ، قولايسىز اۋا رايى قالا تۇرعىندارىن ابىگەرگە سالىپ جاتىر.

بۇعان دەيىن جازعانىمىزداي، ەرتىس- بايان وڭىرىندەگى ەلدى مەكەندەردە ءۇي تىشقاندارىنىڭ قاپتاپ كەتۋى بيولوگيالىق تۇرعىدان العاندا قالىپتى قۇبىلىس. بيىل جەردىڭ ىلعالدى بولۋىنا بايلانىستى قورەك كوبەيىپ، سونىڭ اسەرىنەن تىشقانداردىڭ كوبەيۋ ۇدەرىسى ءجۇرۋى ىقتيمال.

اۆتور

داۋلەت ىزتىلەۋ