استانا اۋەجايى نەلىكتەن اراب كومپانياسىنىڭ باسقارۋىنا بەرىلدى

كولىك ءمينيسترى مارات قارابايەۆ استانا اۋەجايى نەلىكتەن ب ا ءا كومپانياسىنىڭ باسقارۋىنا بەرىلگەنىن ءتۇسىندىردى. سونداي- اق ۆەدومستۆو باسشىسى شەتەلدىك ينۆەستور الدىنا قانداي مىندەتتەر قويىلاتىنىن ايتتى، دەپ حابارلايدى Kazinform.

«استانا اۋەجايىنا كەلسەك، اراب ينۆەستورى، ونىڭ ىشىندە حولدينگتەرگە يە Abu Dhabi ports كومپانيالار توبى بار. ولاردىڭ الەمدەگى ءىرى حالىقارالىق اۋەجايلاردى قامتيتىن جاڭا باعىتتارى بار. Abu Dhabi Ports - جولاۋشىلار اعىنى 28 ميلليون ادامدى قۇرايتىن ءىرى اۋەجايلاردىڭ ءبىرى، مەنەدجمەنتى وتە جوعارى جانە ءدال وسىنداي اۋەجايلارداعى ستاندارتتار استانادا دا دامي تۇسەدى. جاڭا باسقارۋشى كومپانيالاردىڭ كەلۋىمەن سەرۆيس پەن مەنەدجمەنتتىڭ مۇلدەم باسقا دەڭگەيى بولادى. بۇل - وتە ماڭىزدى. بۇل رەتتە ءبىز جاي عانا شەتەلدىك كومپانياعا بەرەمىز دەپ ايتپايمىز، شەتەلدىك كومپانيانىڭ الدىنا ناقتى مىندەتتەر دە قويىپ وتىرمىز»، - دەپ ءتۇسىندىردى مارات قارابايەۆ.

ياعني، شەتەلدىك ينۆەستور الدىنا قويىلعان ءبىرىنشى مىندەت - ۇشۋ- قونۋ جولاعىن تولىق جوندەۋ. وسىلايشا، كولىك ءمينيسترىنىڭ ايتۋىنشا، رەسپۋبليكالىق بيۋدجەتكە تۇسەتىن جۇكتەمە ايتارلىقتاي تومەندەيدى. ال بۇل اقشا بيۋدجەتتەن حالىقتىڭ قاجەتتىلىكتەرىنە جۇمسالادى.

«ەكىنشىدەن، ولار ايەروۆوكزال كەشەنىن جوندەيدى. ءۇشىنشىسى - الاڭقايدا ۇلكەن اكۆاحاب قۇرۋ. اكۆاحاب - جەردە بارلىق جۇكتەر ءبىر جەردە جيناقتالادى، بەلگىلى ءبىر تاراتۋ جۇمىستارىنان وتەدى جانە ناتيجەسىندە اۋەجايدىڭ اينالاسىندا جۇمىس ورىندارى قۇرىلادى. بۇل ماسەلەلەردى اراب ينۆەستورىمەن تالقىلايمىز»، - دەپ اتاپ ءوتتى مارات قارابايەۆ.

ۆەدومستۆو باسشىسىنىڭ سوزىنشە، شەتەلدىك ينۆەستور اۋەجاي اينالاسىندا مەنەدجمەنتتىڭ مۇلدەم جاڭا دەڭگەيىن قۇرۋدى ۇسىنعان، وعان ۇلكەن قويمالار، جاڭا قوناق ءۇي كەشەندەرى جانە اۋەجاي قىزمەتكەرلەرى ءۇشىن بولەك ايماق كىرەدى.

«شىن مانىندە، جاڭا ينۆەستورلاردىڭ كەلۋىمەن وسىنداي شاعىن قوزعالىس ورتالىعى قايتا جاندانىپ جاتىر. ءبىز ەلوردا اۋەجايىن حالىقارالىق دەڭگەيگە شىعارامىز»، - دەدى كولىك ءمينيسترى مارات قارابايەۆ.

بۇعان دەيىن اراب كومپانياسى استانا اۋەجايىنىڭ جۇمىسىن قولعا العانى حابارلانعان ەدى.

اۆتور

ايجان سەرىكجان قىزى