استاناداعى اقىلى تۇراقتاردا تاريف قانشا بولۋى مۇمكىن

— قالادا 535 تۇراق ايماعى مەن 10 مىڭنان استام تۇراق ورنى بار. بىزدىڭشە، سول تۇراقتاردان الىناتىن تولەم سوماسى تومەن. وسىعان دەيىن بۇل جۇمىستى جەكە بيزنەس اتقارعان ەدى. قازىر وسى قىزمەت اكىمدىكتىڭ قۇرلىمىنا كىردى. ەندى، 10 مىڭنان استام ورىندى جول قوزعالىسىن ۇيىمداستىرۋ ورتالىعىنا بەرۋ بويىنشا اكىمدىكپەن بىرگە ءتيىستى جۇمىس ىسكە اسىپ جاتىر. ءتيىستى شەشىم ەكى كۇن بۇرىن شىقتى، - دەدى داۋرەن ءسابيتوۆ استانا قالاسى ءماسليحاتىنىڭ كولىك ماسەلەلەرى جونىندەگى تۇراقتى كوميسسياسىنىڭ وتىرىسىندا.

ونىڭ ايتۋىنشا، قالادا سارالانعان تاريف بويىنشا تۇراق ورىندارىن بەلگىلەۋ جوسپارى بار.

— تامىز ايىنىڭ سوڭىندا نەمەسە قىركۇيەكتىڭ باسىندا سارالانعان تاريفتى كىرىگۋىمىز كەرەك. سەبەبى، كولىك كوپ شوعىرلانعان ورتالىقتاعى ورىندارعا سۇرانىس جوعارى. وسى ورايدا وسى تۇراقتارداعى ءتاريفتى ۇلعايتۋ ۇسىنىلدى. قالاداعى تۇراقتاردى ءۇش ايماققا ءبولىپ، سولار بويىنشا ءارتۇرلى تاريفتى ەنگىزۋ جۇمىسىن باستاپ كەتتىك، — دەدى ورتالىق باسشىسى.

ءماسليحاتتىڭ كولىك جونىندەگى تۇراقتى كوميسسياسىنىڭ وتىرىسىندا تاراتىلعان مالىمەتكە قاراعاندا، تۇراق قۇنى ساعاتىنا 100، 150 جانە 200 تەڭگە شاماسىندا بەلگىلەنبەك. ەڭ جوعارى تاريف ەلوردانىڭ ورتالىق بولىگىندە بولادى.

ەسكە سالساق، ەلورداداعى اقىلى تۇراقتار اكىمدىكتىڭ مەنشىگىنە تولىققاندى ءوتتى.