استانادا زاماناۋي زەرتحانالىق كەشەن سالىنادى

ونىڭ سوزىنشە، بيىل ءساۋىر ايىندا ەلىمىز دۇنيەجۇزىلىك دەنساۋلىق ساقتاۋ ۇيىمىنىڭ رەتتەۋشى جۇيەلەرىنىڭ 3- دەڭگەيىنە قول جەتكىزدى. بۇل باعالاۋ ۇلتتىق رەتتەۋ جۇيەسىنىڭ تۇراقتى جۇمىس ىستەيتىنىن جانە حالىقارالىق تالاپتارعا تولىق سايكەس كەلەتىندىگىن راستايدى. قازاقستان — ت م د ەلدەرى اراسىندا مۇنداي دارەجەگە يە بولعان العاشقى مەملەكەت.

— مەملەكەت ءۇشىن بۇل — وتاندىق دارىلەردىڭ ەكسپورت كولەمىنىڭ ارتۋى مەن فارماتسيەۆتيكا سالاسىنا ينۆەستيتسيا تارتۋىنا سەپتىگىن تيگىزەدى. حالىق ءۇشىن بۇل — دارىلىك زاتتاردىڭ ساپاسى مەن قاۋىپسىزدىگىنىڭ جوعارى ەكەندىگىنە كەپىلدىك بەرەدى، — دەدى مينيستر.

ەندى كەلەسى ماقسات — ءتورتىنشى، ياعني ەڭ جوعارى دەڭگەيگە جەتۋ. بۇل قازاقستانداعى فارماتسيەۆتيكانىڭ حالىقارالىق وندىرىستىك حابىنا اينالۋىنا، دارىلەردىڭ ەكسپورتتىق مۇمكىنشىلىگىن كەڭەيتۋگە جول اشادى.

— وسىعان بايلانىستى استانا قالاسىندا بيولوگيالىق قاۋىپسىزدىگى جوعارى دەڭگەيگە سايكەس كەلەتىن زاماناۋي زەرتحانالىق كەشەن سالۋ جوسپارلانۋدا. مۇندا ۆاكسينالارعا سىناق جۇرگىزۋگە، سونداي-اق ولاردىڭ ساپاسى مەن قاۋىپسىزدىگىنە تاۋەلسىز باعالاۋ مۇمكىندىكتەرى كەڭەيەدى، — دەدى اقمارال ءالنازاروۆا.

د س م دەرەگىنشە، بيىل 28 -قىركۇيەكتە «VL» ج ش س- مەن «زەرتحانالارى بار دارىلىك زاتتار مەن مەديسينالىق بۇيىمداردى ساراپتاۋ ورتالىعىن» سالۋعا ارنالعان جوبالىق-سمەتالىق قۇجاتتامانى ازىرلەۋ تۋرالى كەلىسىم شارت جاسالدى. اتالعان جۇمىس كەلەسى جىلى 30 -ساۋىردە اياقتالماق.

ايتا كەتەيىك، بۇعان دەيىن قازاقستاندا زەرتحانالار مەن سەرتيفيكاتتاۋ ۇيىمدارىن باعالاۋ قاشىقتان جۇرگىزىلە باستاعانىن جازعانبىز.