استانادا قابانباي باتىر داڭعىلىنىڭ ءبىر بولىگى ۋاقىتشا جابىلادى
استانا. KAZINFORM - قالقامان كوشەسىنەن سارايشىق كوشەسىنە دەيىنگى قابانباي باتىر داڭعىلىنىڭ ۋچاسكەسىندە جوندەۋ جۇمىستارىنىڭ جۇرگىزىلۋىنە بايلانىستى اعىمداعى جىلدىڭ 7-8 -تامىزى ارالىعىندا اتالعان ۋچاسكەدە كولىك قوزعالىسى ءىشىنارا جابىلاتىن بولادى. بۇل تۋرالى استانا قالاسىنىڭ اكىمدىگى ءمالىم ەتتى.
كولىك قوزعالىسى ەكى باعىتتا دا جولدىڭ ءبىر جاعىمەن ۇيىمداستىرىلادى.
- جۇرگىزۋشىلەر مەن جاياۋ جۇرگىنشىلەردەن مارشرۋتتاردى الدىن الا جوسپارلاۋدى جانە قوزعالىستى ۇيىمداستىرۋداعى ىقتيمال وزگەرىستەردى ەسكەرۋدى سۇرايمىز. قاۋىپسىزدىكتى قامتاماسىز ەتۋ جانە قولايسىزدىقتى ازايتۋ ءۇشىن ۋاقىتشا جول بەلگىلەرى مەن كورسەتكىشتەر ورناتىلاتىن بولادى. وسى وزگەرىستەرگە تۇسىنىستىكپەن قاراۋدى جانە قالا بويىنشا قوزعالىستاردى جوسپارلاۋ كەزىندە ولاردى الدىن الا ەسكەرۋدى سۇرايمىز، - دەلىنگەن اكىمدىكتىڭ حابارلاماسىندا.
ايتا كەتەيىك، بۇعان دەيىن استانادا اباي داڭعىلىندا جوندەۋ جۇمىسىنا بايلانىستى قوزعالىس شەكتەلگەن ەدى.
