استانا اۋەجايىنىڭ ەكىنشى ۇشۋ-قونۋ جولاعىن سالۋ ءۇشىن 1 مىڭ گەكتاردان استام جەر الىنادى

قۇجاتقا سايكەس، جەر ۋچاسكەلەرىن ماجبۇرلەپ يەلىكتەن شىعارۋ 2027 -جىلعى 1-اقپاننان 2028 -جىلعى 1-اقپانعا دەيىنگى كەزەڭدە جۇرگىزىلەدى دەپ جوسپارلانعان.

جەر ۋچاسكەلەرى ەسىل اۋدانىندا، قابانباي باتىر داڭعىلى مەن اۋەجاي ماڭىندا ورنالاسقان. اتالعان جەرلەر ىزدەستىرۋ جانە جوبالاۋ جۇمىستارىن جۇرگىزۋ ءۇشىن «استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى» مەملەكەتتىك مەكەمەسىنە بەرىلگەن.

جوبا اياسىندا «نۇرسۇلتان نازاربايەۆ حالىقارالىق اۋەجايى» ا ق- نىڭ قولدانىستاعى ۇشۋ-قونۋ جولاعى مەن ينفراقۇرىلىم نىساندارىن سالۋ جانە رەكونسترۋكتسيالاۋ، سونداي-اق ينفراقۇرىلىم نىساندارىمەن بىرگە ەكىنشى ۇشۋ-قونۋ جولاعىن سالۋ كوزدەلگەن.

جەر ۋچاسكەلەرىنىڭ مەنشىك يەلەرى مەن جەر پايدالانۋشىلار حابارلامانى العان كۇننەن باستاپ 15 كۇنتىزبەلىك كۇن ىشىندە اكىمدىككە ءتيىستى ءوتىنىش جولداۋ ارقىلى كەلىسۋ راسىمدەرىن باستاۋعا قۇقىلى.

قاۋلىعا قوسىمشادا جەر ۋچاسكەلەرىنىڭ مەنشىك يەلەرى مەن جەر پايدالانۋشىلاردىڭ ءتىزىمى بەرىلگەن. ولاردىڭ قاتارىندا مەملەكەتتىك ۇيىمدارمەن بىرگە جەكەمەنشىك كومپانيالار دا بار.

اتاپ ايتقاندا، تىزىمگە «استانا حالىقارالىق اۋەجايى» اق، «قازاەروناۆيگاتسيا» رمك، «بۇركىت» مەملەكەتتىك اۋە كومپانياسى، «استانا - وڭىرلىك ەلەكترجەلىلىك كومپانياسى» اق، ىشكى ىستەر مينيسترلىگىنىڭ كولىكتەگى پوليتسيا دەپارتامەنتى جانە ۇلتتىق قاۋىپسىزدىك كوميتەتىنىڭ شەكارا قىزمەتى جانە وزگە دە مەملەكەتتىك ورگاندار ەنگىزىلگەن.

قۇجاتتا جەر ۋچاسكەلەرىنىڭ ناقتى مىنا مەكەنجايلار كورسەتىلگەن:

- قابانباي باتىر داڭعىلى بويىنداعى №117, №119, №119/1, №119/2, №119/5, №119/7, №121, №121/2, №121/10, №121ت جانە №123 عيماراتتار؛

- وسى داڭعىل بويىنداعى №117ن، №119گ، №119ف، №119/8, №119/11, №121/1, №121/5, №121/6, №121/7, №121/11, №121/12, №121پ، №121ر، №123ا، №123/1, №123ۆ جانە №123د جەر ۋچاسكەلەرى؛

- №77 وتكەلىندە ورنالاسقان №2, №2/1, №2/2, №2/3, №3, №4, №7, №7/2, №10 جانە №10/1 عيماراتتار؛

- وسى وتكەلدەگى №1/1, №1/2, №1/3, №1ا، №2/4, №4/2, №4/3, №11, №12/1, №12/2 جانە №12/3 جەر ۋچاسكەلەرى.

ايتا كەتەيىك، استانادا جاڭا اۋەجايدىڭ قۇرىلىسى كەلەسى جىلى باستالادى.