داستان ساتپايەۆ پەن تەمىرلان اناربەكوۆ قازاقستان قۇراماسىنا شاقىرىلمادى

قازاقستان فۋتبول قۇراماسىنىڭ باس باپكەرى دجون ۆانت سحيپ ۋەفا ۇلتتار ليگاسىنىڭ قاراشا ايىنداعى سوڭعى ماتچتارىنا قاتىساتىن ويىنشىلاردىڭ تۇپكىلىكتى ءتىزىمىن جاريالادى.

نيدەرلاندتىق ماماننىڭ تىزىمىنە 27 فۋتبولشى ەندى.

قازاقستان قۇراماسىنىڭ تولىق ءتىزىمى:

قاقپاشىلار:

ستاس پوكاتيلوۆ («ساباح»، ازەربايجان)

بەكحان شايزادا («ورداباسى»)

الەكساندر زارۋتسكيي («اقتوبە»)

قورعاۋشىلار:

الىبەك قاسىم («استانا»)

يان ۆوروگوۆسكي («استانا»)

نۇرالى ءالىپ («زەنيت»، رەسەي)

سەرگەي مالىي («ورداباسى» )

ادىلبەك جۇماحان («ەلىماي»)

ناۋرىزبەك جاعوروۆ («ورداباسى»)

الەكساندر مرىنسكي («قايرات»)

ۆلاديسلاۆ ۆاسيليەۆ («استانا»)

ارسەن اشىربەك («ەلىماي»)

تەمىرلان ەرلانوۆ («ورداباسى»)

جارتىلاي قورعاۋشىلار:

رامازان ورازوۆ («ەلىماي»)

يسلامبەك قۋات («جەڭىس»)

باۋىرجان يسلامحان («استانا»)

دىنمۇحامەد قارامان («استانا»)

جاسۇلان ءامىر («ورداباسى»)

الماس تۇلىباي («ەلىماي»)

ەركىن تاپالوۆ («توبىل»)

ايبول ابىكەن (« قىزىلجار»)

شابۋىلداۋشىلار:

يسلام چەسنوكوۆ («كرىليا سوۆەتوۆ»، رەسەي)

يسمايل بەكبولات («قايرات»)

ازامات تۋياقبايەۆ («قايرات»)

عالىمجان كەنجەبەك («احمات»، رەسەي)

رامازان كاريموۆ («شاحتەر»)

ماكسيم سامورودوۆ («احمات»، رەسەي)

ايتا كەتەيىك، انگليانىڭ «بەرنلي» كلۋبىندا وينايتىن شابۋىلشى داستان ساتپايەۆ باستاپقىدا 38 فۋتبولشى ەنگەن كەڭەيتىلگەن تىزىمگە قوسىلعان ەدى. الايدا ول سوڭعى 27 ويىنشىنىڭ قاتارىنا ەنبەدى.

سپورتتىق ب ا ق- تىڭ مالىمەتىنشە، 18 جاستاعى شابۋىلشى چەمپيونشيپتەگى سوڭعى ماتچىنان كەيىن م ر ت- دان قايتا تەكسەرۋدەن وتكەن. تەكسەرۋ ناتيجەسىندە جاراقاتى انىقتالعاندىقتان، مەديسينالىق شتاب پەن باپكەرلەر كەڭەسى فۋتبولشىنىڭ دەنساۋلىعىنا قاۋىپ توندىرمەۋ ءۇشىن ونى مولدوۆا جانە سلوۆاكيا قۇرامالارىنا قارسى قاراشا ويىندارىنا شاقىرماۋ تۋرالى شەشىم قابىلداعان.

سونداي-اق «قايراتتىڭ» نەگىزگى قاقپاشىسى تەمىرلان اناربەكوۆ تە ۇلتتىق قۇراماعا شاقىرىلعان جوق. ول دا كەڭەيتىلگەن تىزىمدە بولعانىمەن، باپكەرلەر شتابىنىڭ شەشىمىمەن سوڭعى قۇرامعا ەنبەدى.

قاراشاداعى حالىقارالىق ءۇزىلىس كەزىندە قازاقستان قۇراماسى ەكى ماڭىزدى ماتچ وتكىزەدى. 13-قاراشادا سىرت الاڭدا مولدوۆامەن كەزدەسسە، 16-قاراشادا استانادا سلوۆاكيا قۇراماسىن قابىلدايدى.

ۇلتتىق قۇراما ويىندارعا دايىندىقتى 5-قاراشادا تۇركىستاندا باستايدى. ال «قايرات» فۋتبولشىلارى 5 -قاراشادا يتاليانىڭ «اتالانتا» كلۋبىنا قارسى كونفەرەنسيالار ليگاسىنىڭ جالپى كەزەڭىندە ويناعاننان كەيىن، ەل قۇراماسىنا ءبىر- ەكى كۇن كەشىگىپ قوسىلادى.

بۇعان دەيىن فۋتبولدان ق پ ل- دىڭ 29-تۋرىنىڭ ويىندارى باستالاتىنىن جازعانبىز.