اسكەري وقۋ ورىنىنا تۇسكىسى كەلەتىن تالاپكەرلەر ىرىكتەۋگە ونلاين قاتىسا الادى

استانا. KAZINFORM - بۇدان بىلاي اسكەري وقۋ ورىندارىنا تۇسكىسى كەلەتىن تالاپكەرلەر ونلاين رەجيمدە ءوتىنىش بەرە الادى. قازىر قورعانىس مينيسترلىگى كادرلاردى ىرىكتەۋ مەن دايارلاۋ ساپاسىن ارتتىرۋ ءۇشىن سيفرلىق تەحنولوگيالاردى ەنگىزىپ جاتىر.

ياعني е-Gov ارقىلى مەديتسينالىق تەكسەرىسسىز ءوزى قالاعان وقۋ ورنىنا تاپسىرا الادى. سونداي-اق، ونلاين كۋرستار، ەلەكتروندى كىتاپحاناسى بار ءبىرىڭعاي اسكەري ءبىلىم بەرۋ پلاتفورماسى قۇرىلدى. بيىل سول ارقىلى 3 مىڭنان استام جاۋىنگەردى سيفرلىق كۋرستار ارقىلى وقىتۋ جوسپارلانىپ وتىر.

مۇرات ولجابايەۆ، ق ر قورعانىس مينيسترلىگى اسكەري ءبىلىم جانە عىلىم دەپارتامەنتىنىڭ باستىعى:

- بۇدان باسقا قورعانىس مينيسترلىگى الماتى جانە قاراعاندى قالاسىندا جاس ۇلان رەسپۋبليكالىق مەكتەپتەرىنىڭ بازاسىندا تاعى 2 اسكەري كوللەدج ب. مومىش ۇلى اتىنداعى اسكەري سپورت كوللەدجى مەن ت. بيگەلدينوۆ اتىنداعى اسكەري كوللەدجدەر اشۋ جۇمىسىن جۇرگىزۋدە. اعىمداعى جىلى اتالعان اسكەري كوللەدجدەرگە نەگىزگى ورتا ءبىلىم بازاسىندا 9 -سىنىپتان كەيىن العاشقى قابىلداۋ جۇرگىزىلەدى.

24.kz