اسكەردەگى ساربازدارعا جىلقى ءسۇتى مەن ەتىن بەرۋ كەرەك - دەپۋتات

استانا. KAZINFORM - بيە ءسۇتىن وڭدەيتىن زاۋىتتاردى جىلقى كوپ شوعىرلانعان وڭىرلەردە اشۋ كەرەك. بۇل تۋرالى پارلامەنت ماجىلىسىندە مال شارۋاشىلىعى ونىمدەرىن تەرەڭ وڭدەۋ تاقىرىبىنا ارنالعان ۇكىمەت ساعاتىندا دەپۋتات امانجول ءالتاي ايتتى.

«جىلقى ءسۇتىن تەرەڭدەتىپ وڭدەۋ ارقىلى قازاق حالقىنىڭ ۇلتتىق برەندىنە اينالدىرۋ مۇمكىندىگىمىز بار. جىلقى ءسۇتىن وڭدەيتىن زاۋىتتار سالۋ جوسپاردا بار ما؟ ءسۇت وڭدەيتىن زاۋىتتى جىلقى كوپ شوعىرلانعان ۇلىتاۋ، اباي وبلىسى سەكىلدى وڭىرلەردە اشقان ءجون بولادى. بيە ءسۇتىنىڭ گەرمانيادا، فرانسيادا، قىتاي ەلدەرىندە سۇرانىسى جوعارى. قورعانىس مينيسترلىگى ساربازدارىمىزدى بيە سۇتىمەن جانە جىلقى ەتى ونىمدەرىمەن تاماقتاندىرۋ ماسەلەسىنە باسقا مينيسترلىكپەن بىرلەسە ءمان بەرگەنى ابزال»، - دەدى ا. ءالتاي.

ءوز كەزەگىندە اۋىل شارۋاشىلىعى ءمينيسترى ايداربەك ساپاروۆ ەلىمىزدىڭ وڭىرلەرىنەن بيە ءسۇتىن وڭدەيتىن كاسىپورىن اشۋدى قاراستىرىپ وتىرعاندارعا قولداۋ جاساۋعا دايىن ەكەنىن ايتتى.

«ءار وبلىستا بيە بايلاعان ادامدار بارشىلىق. ءبىراق ساۋمالدى وتكىزۋ پروبلەماسى بار. وندىرۋشىلەر ەۋروپاعا شىعارا الماي جاتقانىن ايتتى. سونىمەن قاتار، قىتايعا وتكىزۋگە سۇراپ جاتىر. اتاپ ايتقاندا، ب ا ءا- گە جىبەرىپ جاتىرمىز. قىتاي باعىتىندا شەكتەۋدى الىپ تاستادىق، قازىر رەەسترگە ەنگىزۋ جۇمىستارىن اتقارىپ وتىرمىز. ەگەر سۇرانىس بولسا، زاۋىت سالۋدى جوسپارلاعان ادامدار بار»، - دەدى مينيستر.

اۆتور

رۋسلان عابباسوۆ