ارزان گاز، ءبىلىم گرانتتارى، الەۋمەتتىك تولەمدەر: مۇناي-گاز سالاسىنىڭ ۇلەسى قانداي

ونىڭ ايتۋىنشا، مەملەكەت مۇناي-گاز سالاسىنىڭ ەل ەكونوميكاسىنا جانە حالىقتىڭ الەۋمەتتىك ءال-اۋقاتىنا قوسىپ وتىرعان ۇلەسىن جۇرتشىلىققا تۇسىنىكتى تىلدە جەتكىزۋى كەرەك. ويتكەنى، مەملەكەتتىك شىعىستاردىڭ ەداۋىر بولىگى الەۋمەتتىك سالاعا، ءبىلىم بەرۋ مەن دەنساۋلىق ساقتاۋعا باعىتتالادى.

- حالىق مۇنىڭ ءبارىن قالاي ءتۇسىنۋى كەرەك؟ زەينەتاقى ۋاقىتىندا تولەنە مە؟ ءبىلىم الۋ مۇمكىندىگى بار ما؟ مىسالى، مەكتەپ بىتىرۋشىلەردىڭ شامامەن 150- 180 مىڭىنىڭ 80 مىڭىنا مەملەكەتتىك گرانت بەرىلەدى. دەمەك، ءاربىر ەكىنشى تۇلەك گرانتقا يە بولا الادى، - دەدى ول.

سونىمەن قاتار نۇرلان جۇماعۇلوۆ قازاقستاندا تابيعي گاز بەن اۆتوگاز باعاسىنىڭ سالىستىرمالى تۇردە تومەن ەكەنىن اتاپ ءوتتى.

ونىڭ سوزىنشە، كورشى ەلدەرمەن سالىستىرعاندا قازاقستاندا اۆتوگاز تۇتىنۋشىلار ءۇشىن قولجەتىمدى باعامەن ساتىلىپ وتىر. ءتىپتى اۆتوگاز باعاسىنىڭ قولجەتىمدىلىگى جاعىنان ەكىنشى ورىندا تۇر. مۇناي-گاز كومپانيالارى ىشكى نارىقتى جانار-جاعارمايمەن قامتاماسىز ەتۋگە دە ۇلەس قوسادى. ماسەلەن، ەكسپورتتىق نارىقتا مۇنايدىڭ تونناسى شامامەن 250 مىڭ تەڭگە تۇرسا، كومپانيالار ونى وتاندىق مۇناي وڭدەۋ زاۋىتتارىنا شامامەن 100 مىڭ تەڭگەدەن جەتكىزەدى. مۇنىڭ ماقساتى - بەنزين مەن ديزەل وتىنىن ىشكى نارىقتا قولجەتىمدى باعامەن ساتۋ.

- بۇل - مەملەكەتتىڭ جانە مۇناي-گاز كومپانيالارىنىڭ ەكونوميكاعا قوسىپ وتىرعان ۇلەسى. وسىنى قاراپايىم حالىققا دۇرىس ءتۇسىندىرۋ كەرەك، - دەدى ساراپشى.

بۇدان بولەك، ول مۇناي-گاز كومپانيالارى ءبىلىم بەرۋ سالاسىنا دا قارجى بولەتىنىن ايتادى. ونىڭ مالىمەتىنشە، ، ولار مەملەكەتتىك گرانتقا تۇسە الماعان تۇلەكتەرگە ارناپ قوسىمشا ءبىلىم گرانتتارىن تاعايىندايدى. مۇنداي قولداۋدىڭ جىل سايىنعى جالپى كولەمى شامامەن 15 ميلليارد تەڭگەنى نەمەسە 30 ميلليون دوللاردى قۇرايدى.

بۇعان دەيىن مۇنايشىلارىمىز نەگە شەتەلگە كەتىپ جاتقانىن جازعان ەدىك.